Imatiwu 15:9 - IWE ỌNỊNỊ

⁹ Ahẹkẹ ẹnẹẹ ka ẹnị aa hẹkẹ mị vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihi yọ nị.’ ”

Imatiwu 15:9 Iomraidhean Croise

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ahẹ Ụgama 73:13

Dị mị kụkụ ee ro o ka ẹmị ana ka m maa mẹ̀ ịzẹyịza nị, sị ẹ va vị ọgụ amị kẹ? Mị ka me yi sì ka ma mẹ̀ ebira odivi ama sị ẹ va vị ọgụ oni mi re ịnị anị?

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ireevi 26:16

Ụya ọnị vaa sị rị wa yị: Ọnị vaa kụ ẹngụkata odivii tù wa; ụkụ ẹnẹ ẹ̀ yị ma wụ́ ahọ̀nọ ọnịrị ọvanggoro ene vee gù wa eyi vaa za wa, dị ee du wa ẹhẹẹ ha. Ọ kà ịrụkụ ọọhẹ ẹ́ vaa kụ nị, agụvị ka, ọnịvị ẹnịnị ẹ vaa rị ịsa ịnị aarẹ ẹnịnị nị.

Ireevi 26:20

Avaba ụkọrọ ẹnẹ ẹyaa sị ụmẹzụ-ụmẹzụụ mẹ vị ana vaa vị osusu, agụvị ka ẹtẹ ẹnịnị ẹ́ yị vaa mẹ̀ ịsa ọchị ẹnịnị ẹ́ yị rẹ vaa tụ́ ẹtụtụ.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Imatiwu 15:10

Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Ịmaakị 7:7

Ahẹkẹ ẹnẹẹ ka ẹnị aa hẹkẹ mị, vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihii yọ nị.’

1 Anịkọrịntị 15:2

Ini oze enube ọyịza ọnọọ Ohomorihi aa yàa dọ wụ nịnịị há nị, wàa yị jẹẹ pe ịrẹyị ọnị mị vịdị kà wụ nịnị, àyị vị ahịka ụ wẹ̀ yị dọ wụ́ nịnị booro nị.

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

1 Itimoti 1:4

Rẹ kà a yị wa ka ẹ̀ và hụụnị ịtọpa kẹnẹ-kẹnẹ ọnịrị ịrẹha ohiku nịnị ọyịtara hi ẹtẹ pooro! Ahankata kẹnẹ ẹ́ngụ ẹnẹ ẹẹ̄ kụ́ụ vẹ nị. Ẹyị zẹẹ ka aza ẹ̀ sị ayị tụra Ohomorihi, dị Ohomorihi ọ̀ va mẹ ọgụvọ yị wa.

Ịtayịtọsị 1:14

Asị ẹ kụkụ sị ayị tụ́ ịnị ịtọpa kẹnẹ-kẹnẹ Aniju nịnị ọnịrị ọda ana aza kẹnẹ mẹ ene ee du ịzẹyịza obooro.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Ijemiisi 2:20

Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị?

Ẹtore 22:18

Ẹmị Ịjọọnụ, mee hú avaba aza ana aa wụ́ ịsẹ ana a kà tụ́ ini iwe ọnọnị ụvọ ẹtẹẹtẹrẹ; ọza ana àa da tụ́ ịnị ịrẹyị ẹnẹnị, Ohomorihi vaa dà tụ́ ịnị ụyọrị ana achẹrẹ tụ́ ini iwe ọnọnịị yọ.

1 Ịsamụwẹrị 25:21

Idevidi ọnị vị ana vịdị aa kà a ka vi ọnị sere ịsụpa Ịnabarị ọọhẹ kẹnẹ ịnị ụnọmị, dị ọnị ọ̀ yị zẹẹ ka à nyị ene vu nị. Ọ kà ọyịza ọnị ọnị mẹ̀ ẹ, odivi o ve si si ọnị atọ nị.