Imatiwu 15:11 - IWE ỌNỊNỊ

¹¹ Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.”

Imatiwu 15:11 Iomraidhean Croise

Ahẹ Ụgama 10:7

Irenu ẹnịnị ọ mā kà ọyịza paa Ẹnịnị vi ene eē cheeche, dị ẹ yaa mẹ ehunaa yị aza.

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Imatiwu 15:10

Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Imatiwu 15:12

Dị ezirẹma anị kà vẹ, dị ẹ ka, “Wáá yẹ ka ịrẹyị ọnị ụ kà, ộ kụ́ Anihwarisi nịnị ayị, ẹ mẹ̀ wụ́?”

Ịmaakị 7:15

Ẹ yị nyị ịsị ẹ hụrẹ ẹhẹ na ngụ ịnị ịnẹ ọza, ene zụ du ọza ẹngụ. Ama ịsa ana jịnẹ hụụnị ịnẹ ọza vẹ, oni oō du ọza ẹngụ nị.

Aniroomi 14:14

Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 14:20

Asị ụ hụ agụvị ịsọyịrị ẹnyị du ịsa ọnị Ohomorihi mẹ và ha! Avaba ịsọyịrị ọ nị nị; ama ayị vọrọ ka ọza ọ̀ na rị ịsị ẹ vaa mẹ ka ọza ẹnẹsa ọ̀ na mẹ ịvị.

1 Itimoti 4:3

Dị ẹ ka ẹ yị vọrọ ka aza ẹ̀ẹ nyị ọnẹẹ, dị ẹ rẹ ka asa aza rẹ̀ rị ịsa ẹnyị. Ama Ohomorihi vị ana mẹ̀ ịsa ẹnẹẹ ka aza ana vị ọdọwụ dị ẹ rẹ yẹ ịzẹyịza, ẹ̀ sị ọọ, dị ẹ̀ kụ́ ọnị avọ tụ́ ọọ, dị ẹ̀ẹ rị ọọ.

Ịtayịtọsị 1:15

Ayị ọza ọ̀ọ nị, avaba ịsa vị ana vaa nị ini eyi anị. Ama ayị ọza ọ̀ yị nị, dị ẹ̀ yị rẹ vị ọdọwụ nị, ẹ yị nyị ịsị ẹẹ̄ nị ini eyi anị. Ayị anị beri ivehu anị nyẹmba ẹ yị hyakụ nị.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.