Imatiwu 15:10 - IWE ỌNỊNỊ

¹⁰ Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Imatiwu 15:10 Iomraidhean Croise

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ayịsaya 6:9

Dị ọ ka ma na kà a yị aza ẹnẹẹ ka ẹ raa sị ụtọ pè ẹtẹ pooro dị ẹ yị wụ́, e re vee re ẹtẹ pooro dị ẹ yị yẹ ịsị eyee re.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 15:11

Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.”

Imatiwu 15:9

Ahẹkẹ ẹnẹẹ ka ẹnị aa hẹkẹ mị vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihi yọ nị.’ ”

Imatiwu 24:15

Agụvị avọọ, u vee re ‘Ịsa Odivi aha ọnịnị ịzị ẹ yị vọrọ’ ọnị Ịdanịyẹrị ọnịsẹ kà ịrẹyị anị. (Ọza ana àa kà iwe ọnọnị, ò re ka ọnị ộ yẹ ịrẹyị ọnọnị!)

Iruuku 24:45

Dị Ijeesu mẹ ayị ẹnịnị ka ẹnịnị ẹ̀ zụ yẹ Iwe Ohomorihi nị.

Anẹhwẹsọsị 1:17

Maa mẹ̀ aduwa ka Ohomorihi Ijeesu Ikirisiti Ananyị yị ana nyị avaba ụbanyị ọ̀ sị Ụhwẹ Ọnịnị anaā mẹ ka ọza ọ̀ yẹ ịrẹyịị wụ nịnị; dị ọ̀ sị Ohomorihi zụ̀ wụ nịnị, dị ụ wa zụ yẹ ẹ nịnị.

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.