Imatiwu 14:6 - IWE ỌNỊNỊ

⁶ Ẹkụhị ọnya Ịhẹrọdị aa rị eche ẹkụhị anaa sị ma a. Di ozi ọnẹẹ Iherodiya nyị ẹzẹ, dị ẹzẹ ọnọọ zé Ịhẹrọdị eyi pooro nị.

Imatiwu 14:6 Iomraidhean Croise

Oyinyima 40:20

Ịzẹyịza ịhyẹgwẹta anị ana vị ẹkụhị oni ohinọyị aa rị eche ẹkụhị ana a sị ma a, dị ọ mẹ̀ ịsa yị avaba ezi ahụ anị nị. Dị ọ tụ́ na kụ́ ọza anaā ká echee yọ ọnịrị ọza anaā mẹ̀ ịsaa yọ hụụnị ẹngwa nị. Dị ọ kụ́ wa ve tù ezi ahụ anị nị.

Ẹsịta 2:18

Dị ohinọyị mẹ̀ ịsa hi ẹtẹ ana asị jẹ ịrajẹ agụvị Ẹsịta nị. Ộ tụ́ hị́ avaba ọdọvịdị ọnịrị avaba ezi ahụ anị ka ẹ̀ va rị ịsa ịda anị, dị ọ sị ụhwọtụ yi avaba aza ene hi ịnị ẹtẹ ọnị ọ vị ohinọyị anị nị. Dị ọ mẹ aza ẹyịza hyọvọ-hyọvọ anka ohinọyị nị.

Imatiwu 14:3

Ịhẹrọdị vị ana vịdị za Ịjọọnụ, dị ọ sụ́ ọọ dị ọ sị ọọ tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị.

Imatiwu 14:7

Dị Ịhẹrọdị hyeku ka ịsị ozi ọnọọ òo họ̀ use anị kẹnẹ, ọnị aa sịị yọ nị.

Imatiwu 22:24

Dị ẹnịnị ka, “Ọga, Imosiisi ộ kà a ka ọza òo sú, dị ọ̀ yị ma ozi nị, ọyịnyara anị ọ̀ kụ́ ose anị ogu, dị ọ̀ ma ozi yị ẹnẹbẹnị anị ene sú.

Ịmaakị 6:14

Ohinọyị ana aā hị́ Ịhẹrọdị ộ wụ́ ịrẹyị Ijeesu, agụvị ka ịrẹyị anị ọ sị ngụ ịrẹyị zịịzị. Dị ọ ka Ịjọọnụ ọhwọzenyi yọ nị, ọ sị ha hụụnị ikuta; agụvị avọọ ọ maanị nyị ụkata ẹbanyị-ẹbanyị nị.

Ịmaakị 6:17

Ịhẹrọdị vị ana vịdị tụ́ na za Ịjọọnụ, dị ọ sị ẹba sụ́ ọọ, dị ọ sị ọọ na tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị. Ịhẹrọdị ộ dọ Ihwiripi ose anị ọnọọ, dị ọ nyị ọọ nị.

Ịmaakị 6:19

Agụvị avọọ dị Iherodiya aa kụ́ ayị Ịjọọnụ ẹtẹẹtẹrẹ, di ee sì ka ọnị ọ̀ wụ ọọ nị. Ama ọ yị nyẹngụ wụ ọọ,

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 13:31

Ịhị ọnọọ gẹdẹ-gẹdẹ, dị Anihwarisi ẹnyị vẹ, dị ẹ kà a yọ ka, “Jịnẹ hụụ ịzẹnị, dị ụ wa nọ aha ọsa; agụvị ka Ịhẹrọdị ee sì ka ọnị ọ̀ wụ wụ.”

Iruuku 23:11

Dị Ịhẹrọdị ọnịrị isoja anị nịnị aa sị Ijeesu mẹ ịyẹyẹ nị. Dị ẹyaa mẹ̀ ẹ isiya, dị ẹ sị awuru nyanga-nyanga chire e, dị ẹ rẹ sị ọọ varẹma na yị Ipayireti nị.

Iruuku 23:7

Ọ mẹ̀ wụ́ ka ịzị Ịhẹrọdị vị ohinọyị tụ́, Íjeesu hụrẹ vẹ nị, dị ọ sị ọọ tụ́ na yị Ịhẹrọdị nị. Ịhẹrọdị ọnị vị ana yà Ijerusarẹmị ịnị ụmẹ ọnọọ.

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Iruuku 3:19

Ịjọọnụ ộ tụ́ Ịhẹrọdị ọnọba ohuvọ, agụvị ka Ịhẹrọdị ọ na nyị Iherodiya ana rẹ vị ose ọyịnyara anị, ọnịrị ka ọ rẹ mẹ̀ ịsa edivi ọrụrụ ọsa.

Iruuku 8:3

Ẹnị ọsa vị Ijowana, ose Ichuza ana vị ozi ahụ Ịhẹrọdị, ọnịrị Isusana beri anẹẹ ọrụrụ-ọrụrụ ọsa anaā sịị ịsa ẹnẹ ẹ̀ẹ nyịị mẹ ọgụvọ yị Ijeesu ọnịrị ezirẹma anị.

Odeyi 12:1

Ịnị ụmẹ ọnọọ, Ịhẹrọdị ohinọyị ô nyima aa chamayịị yị anịragụ Ohomorihi ẹnyị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.