Imatiwu 13:42 - IWE ỌNỊNỊ

⁴² Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 13:42 Iomraidhean Croise

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ahẹ Ụgama 21:9

Ịhị wàa vẹ, ụ vaa mẹ ka ẹngụ ọnịvị awụ ọ̀ kà ịra anka èe rere ne ọza ngụ ịra avọọ. Ẹwụ Ẹnẹyịmavara vaa sị ọyịkụ-ọyịkụ dị ụ sị wụ̀ wa dị ụ rị wa ịra và ha.

Ịdanịyẹrị 3:6

Ọ kà, àa nyị ọza ẹnẹ ẹ̀ yị vaku ẹtẹ dị ọ hẹkẹ ẹ, a vaa sị ọ obobooro dị e ne e ngụ ọba ana kà ịra anaa zá giri-giri tụ nị.

Imatiwu 13:50

dị ọ kụ́ wa và hi ịnị ịra ọbanyị. Dị e hi ịzọọ, dị ẹyaa jị òrèrè, dị ẹ rẹ yaa rị anyị.”

Imatiwu 22:13

Dị ohinọyị ọnọọ kà a yị ezi ahụ anị ka: ‘Sụ́ ọọ ahụ ọnịrị ụvọ nịnị, dị ụ wa sị ọọ ne ne ngụ ịnị ịrahụ ruma-ruma nịnị, ịzị aza yàā nowu, dị ẹyaa rị anyị.’

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Imatiwu 8:12

Ama dị a dụ ezi anaa vọrọ ka ẹ̀ yà ịnị ịjọva ọnọọ obooro jịnẹ và hi ẹhẹ ịnị ịrahụ. Dị ẹ yà ịzọọ aa jị òrèrè, dị ẹyaa rị anyị.”

Iruuku 13:28

Ụ vaa jị òrèrè nịnị, dị ụ waa rị anyị nịnị, Ịjị u wèe re ka Abụrahamị ọnịrị Ayiziiki beri Ijekọvụ ọnịrị avaba ọnịsẹ nịnị hi ịzị Ohomorihi yà aa mẹ ịjọva, di a sị ẹwụ nịnị dụ tụ́ ẹhẹ nị.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 9:2

Dị ọ na oze ọbọbọ ọnọọ, dị areyi dà va jịnẹ hụụnị anị anka areyi ọrịra ọbanyị avọọ nị. Dị areyi ana dà jịnẹ hụụnị ọbọbọ ọnọọ mine ọyị ọnịrị eguhi tịtẹ kẹnẹ nị.