Imatiwu 13:25 - IWE ỌNỊNỊ

²⁵ Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.

Imatiwu 13:25 Iomraidhean Croise

1 Ohinọyị 3:20

Ịjị ọ ha kwẹẹtẹ agẹvịrahụ, dị ọ sị ozi emi vara aanị ene su, dị ọ sị na hụtụ pè ẹngụ anị, dị ọ sị ani va hụtụ pè mi nị.

Imatiwu 13:24

Ijeesu o re che ụhịrẹyị ọnya yị wa; ọ ka, “Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọnọrụ ọnya aanị, ana sị ihu ozoza, dị ọ na tụ́ ọ tụ́ ịnị aarẹ nị.

Imatiwu 13:26

Ịjị akụ aa chị, dị ẹyaa hụ, dị avị edivi ẹnẹẹ ẹnị rẹ chị bẹẹ nị.

Imatiwu 13:27

Dị ezi ahụ adarehi ọnọọ vẹ, dị ẹ kà a yọ ka: ‘Ọga, aanị ka ẹ yị vị ihu ozoza ụ tụ́ ịnị aarẹ awụ? Ene ve chire avị edivi hi ọọ?’

Imatiwu 13:29

Dị adarehi ọnọọ ka: ‘Eyiye,’ agụvị ka Ịjị u wèee hu ebe ẹnẹẹ nịnị, we zụ hu akụ vaka wa.

Imatiwu 13:30

Navọ wa, è duduu hụ ne tù ụmẹ anaa sịị̄ mẹ̀ ẹ! Ụmẹ anaa sịị̄ mẹ̀ ẹ òo si tù, dị mị kà a yị aza ana aa mẹ̀ ẹ ka: ‘Vịdị hu ebe ẹnẹẹ nịnị, dị ụ wa sụ́ wa hi ẹtẹ, dị à kụ́ wa na và hi ịnị ịra! Dị ụ wa mẹ akụ amị nịnị, dụ wa kụ́ ọ hi ịnị ụhwọ!’ ”

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 25:5

Ọva ọnẹẹ ọnọọ o yi jintu vẹ, dị ara ee hine ezwoorihi ẹnẹẹ, dị ẹ na sị sụ̀ nị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.