Imatiwu 13:23 - IWE ỌNỊNỊ

²³ Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

Imatiwu 13:23 Iomraidhean Croise

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ezikẹẹrị 36:26

Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị.

Imatiwu 12:33

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.

Imatiwu 13:8

Ama ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ nyị ẹtụtụ nị; ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị vị ohurẹẹwụ-ohurẹẹwụ.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Imatiwu 3:8

Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

Ịmaakị 4:20

Aza ẹnẹnị vị ana rẹ yà anka ihu ene e mi tụ́ ịnị ẹtẹ ozoza. Ệ wụ́ ịrẹyị ọnọọ, dị ẹ dọ ọ, dị ẹyaa nyị ẹtụtụ nị. Ẹnyị ệ nyị ẹtụtụ ohurẹẹwụ, ẹnyị ẹbẹẹta-ẹbẹẹta, ẹnyị ẹchẹhị-ẹchẹhị.”

Iruuku 13:9

Ọ̀ọ na tụ́ ẹtụtụ ụpọsa, ô zoza; ọ̀ yị na tụ́, dị ụ kụkụ má a kwooze!”

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Iruuku 8:8

Ihu ẹnyị ệ hụrẹ ne ngụ ịnị ẹtẹ ozoza, dị ẹ chị, dị ẹ hụ, dị ẹ nyị ẹtụtụ ẹchẹhị-ẹchẹhị nị.” Ịjị Ijeesu vavọọ sị ịrẹyị ẹnẹẹ kà, di o nowu kà a ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 8:47

Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”

Odeyi 16:14

 nyị ọnẹẹ ọnya aanị ana wụ́ ịrẹyị ayị. Ịrẹha anị ọ rị Iridiya nị; anẹkụra Itiyatira ọ vị nị. Dị ọọ̄ sẹ ohu ịta ovivi ana katarihi nị. Ọ rẹẹ̄ hẹkẹ Ohomorihi. Ohomorihi ộ mẹ̀ ka ọ̀ dọ ịrẹyị ọnị Ịpọọrụ aa kà, dị ọ rẹ dọ ọ wụ́ nị.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

2 Anịkọrịntị 9:10

Ohomorihi anaā sịị ịsa ọyịnaa yị ọkụrịkụ, dị ọ rẹẹ̄ sị ịsọyịrịị yị ọza, ọ rẹ vaa sị ịsa ọyịnaa wụ nịnị, di u we chire e nịnị. Ọ rẹ vaa mẹ ka ọ̀ hụ, dị ẹ̀ nyị ẹtụtụ ẹtẹẹtẹrẹ, agụvị ka wẹ yị sị ụvọ kú oku nịnị vụrụ-vụrụ.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Anihiburu 4:2

A ma rẹ kà enube ọyịza ọnọnịị yị aanị, a rẹ kà a yị ẹnị ịnị ụnọmị nị. Ama ịrẹyị ana a kà yị wa ẹ yị mẹ ọgụvọ yị wa vụrụ-vụrụ, agụvị ka ẹ mẹ̀ wụ́ ọ, ẹnịnị ẹ yị dọ ọ wụ́.

Anihiburu 6:7

Sị ịrẹyị ọnọnị zama a re nịnị: Orihi ọ̀ọ zụ̀ hi aarẹ, di o hú ọọ, dị ọ mẹ̀ ịsa yị aza ana dàa nị, Ohomorihiī mẹ ọyịzaa yị ẹtẹ ọnọọ.

Anihiburu 8:10

Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.