Imatiwu 13:22 - IWE ỌNỊNỊ

²² Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 13:22 Iomraidhean Croise

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ụhịrẹyị 11:28

Ọza anaa sị ayị tụra ẹkẹhị vị ọnị ụhị nyị ama ọnịzẹyịza vị enee re mẹ anka avị ohwoohu ana ya ụtọ okuha avọọ.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ijeremaya 4:3

Ẹnẹyịmavara ộ kà a yị Anijuda ẹnịrị Anijerusarẹmị nịnị ka, ne huru ẹtẹ awụ nịnị ọnị ọza ẹ yị vana kụ ụrụkụ tụ aanị, dị asị ụ ne chire uhu awụ nịnị ọyịza-ọyịza ọnọnị va hụra ikeyi.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 13:40

Anka a mẹ̀ sụ́ ebe ẹnẹẹ, dị a rị wa ịra, avọọ ọ́dịrẹma ẹhẹ ọnọnị mẹ̀ vaa yà nị.

Imatiwu 13:7

Dị ẹnyị rẹ hụrẹ ne ngụ ịnị akakana ikeyi nị. Ịjị ikeyi ẹnẹẹ aa hụ, dị ẹ za wa rị nị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Iruuku 12:21

Avọọ ọ mẹ̀ vaa yàa yị aza anaa kụ́ ịsaa gụ yị ẹngụ ẹnịnị kẹnẹ, dị ẹ̀ yị nyị ịsị ẹ nyị ini eyi Ohomorihi nị.”

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Iruuku 8:14

Aza ẹnẹnị vị ana yà anka ihu ene e mi tụ́ ịnị akakana ikeyi. Ẹ mẹ̀ wụ́ ịrẹyị ọnọọ, dị ẹyaa vụrị nị. Ama ariro ẹhẹ ọnịrị ẹkẹhị beri ụbanyị ẹhẹ ọnọnị ộ za ịrẹyị ọnọọ rị; agụvị avọọ ẹtụtụ ẹnịnị e yi ve vi.

Odeyi 8:18

Ịsayịmọnị ô re ka aza ẹnẹẹ ệ dọ Ụhwẹ Ọnịnị, ápositeri nịnị mẹ̀ sị ụvọ tụra wa. Dị ọ sị ẹkẹhị yị Ipita ọnịrị Ịjọọnụ

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

1 Anịkọrịntị 1:20

Ịjọnọọ yọ, ịzị ọyẹrẹyị ọnịrị ọzwọzọda nịnị kuku hi? Aza ana rẹẹ̄ nyị ahankata ịnị ẹhẹ ọnọnị, ịzị eni re hi? Ohomorihi ọ raà sị zụ̀ ka ịrẹyọyẹ ẹhẹ ọnọnị vị ụra kẹnẹ-kẹnẹ.

1 Anịkọrịntị 2:6

Ịzẹyịza, máa sị ịrẹyọyẹ kà ịrẹyị yị aza ana sị vịra tụ́ ini oze Ohomorihi. Ama ayị vị ịrẹyọyẹ ẹhẹ ọnọnị ọ vị, àa vị ịrẹyọyẹ ohirẹsụ ẹhẹ ọnọnị, ana ahịka ụkata ẹnịnị vaa ta.

1 Anịkọrịntị 2:8

Ẹ yị nyị ohirẹsụ ẹhẹ ọnọnị ana yẹẹ. Ẹ̀ẹ yaanị yẹẹ, ẹyị yaanị kanyị Ananyị yị ana nyị avaba ụbanyị za ọchị apavahị.

1 Anịkọrịntị 3:18

Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro!

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Anigaratiya 1:4

Ijeesu ọ sị ẹngụ anị mẹ̀ ịsọvọ yị ịvị ayị agụvị dị ọ̀ dọ yị tịtẹ hụụnị ịsa edivi ẹhẹ ọnọnị anka Ohomorihi Ada ayị me sì ọ.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.