Imatiwu 13:21 - IWE ỌNỊNỊ

²¹ Ama agụvị ka ịrẹyị ọnọọ oyi re aha ha ẹpa ngụ ịnị ayị ẹnịnị, ệ sị tụ́ ịnị ayị chee. Ịjị ịdamụ ọnịrị ayamịkụ vẹ agụvị ịrẹyị ọnọọ, dị ẹ wụsẹ sị varẹma nị.

Imatiwu 13:21 Iomraidhean Croise

Ijoovu 19:28

Wâ kà a nịnị ka, “Sị ị nyẹngụ mẹ̀ dị ọ̀ rị ụya hu avọọ? Wee sì ịrẹyị ọnị ụ waa kụ ụ za mị ahụ nịnị.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ụhịrẹyị 12:12

Eyi aza ọhịmị ọ yị jị vee hụụnị ogu odivi ama Ohomorihi vị ana a mẹ̀ oze yị ọza ọyịza ka ọ zụ nyị rị ụvọ.

Ụhịrẹyị 12:3

Ebira odivi ọ mā zẹẹ ka ọza ọ nyị ahụ hi ẹtẹ ama ọnịzẹyịza vị anaā jẹẹ geri-geri.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 11:6

Ọza ẹnẹ ẹ̀ yị jị mị ịrẹka vaa daa jẹ.”

Imatiwu 13:20

Ọza ana dọ ihu ọnọọ tụ́ ịnị ẹtẹ ịda yị: ịjị aza ẹnẹẹ wụ́ ịrẹyị ọnọọ, dị ẹ wụsẹ sị ịrajẹ dọ ọ nị.

Imatiwu 13:57

Dị ẹnịnị aa kụ́ ayị anị nị. Ama dị Ijeesu kà a yị wa ka, “Ọnịsẹ ọ mā nyị ụbanyị ịnị ẹkụra anị ọnịrị éehi anị, ẹ̀ yị vị aha ọsa.”

Imatiwu 13:6

Ịjị ọyị aa há, dị ẹ sị vahi nị; ama agụvị ka e yi re aha ha ẹpa ngụ di e sú nị.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 26:31

Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 26:33

Dị Ipita kà a yọ ka, “Avaba aza ẹ̀ẹ daka zwe hụrẹ wụ ẹngụ, emi e yi vee zwe.”

Ịmaakị 4:17

Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ sị tụ́ ịnị ayị chee; ịjị ọ da kù dị ẹngụkata ọnịrị ayamịkụ vẹ agụvị ịrẹyị ọnọọ, dị aza ẹnẹẹ wụsẹ sị varẹma nị.

Iruuku 8:13

Aza ẹnẹnị vị ana rẹ yà anka ihu ana hụrẹ tụ́ ịrẹsụ ịda. Aza ẹnẹẹ mẹ̀ wụ́ ịrẹyị ọnọọ, ệ wụsẹ sị ịrajẹ dọ ọ. Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ dọ ọ tụ́ ịnị ayị chee; ịjị ẹzamare vẹ, dị ẹ và hụụnị anị nị.

Ịjọọnụ 6:26

Dị Ijeesu kà a yị wa ka, “Ịzẹyịza m maa kà nị, mâ yẹ ịsị ẹ vẹ di u wee sì mi nịnị. Wee sì mi nịnị agụvị ịsa ọnị ụ rị dị ịnẹ há wụ nịnị; ama ẹ yị vị, agụvị ka wâ yẹ ụkọrọ apọtẹrẹwa ọnị mị mẹ nịnị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anigaratiya 6:12

Aza ene ee sì ka, à kà ka à yẹ ẹnị ịnị ẹhẹ, ẹnị ẹyaa sị ụkataa za wụ nịnị ka wa jị ụvẹvẹnẹ nịnị nị. Eyi sì ka à sị ụya rị ẹnị agụvị enube isu Ikirisiti ị́rẹsụ apavahị.

Anigaratiya 6:15

Ọza ọ̀ọ jị ụvẹvẹnẹ oo, ọza ọ̀yị jị ụvẹvẹnẹ oo, ẹ yị nyị ọ mẹ̀ kà, avaba ẹnịnị vị ọnya. Ịsị ẹ vị ịrẹyị ẹtẹẹtẹrẹ ọ vị ka Ohomorihi ọ sị yị vara ọza ọwọọwa.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

2 Itimoti 1:15

Wâ yẹ ka avaba ẹnịnị ene hi Esiya vana và hụụ ịrẹma amị. Ihwigẹlọsị ọnịrị Iherimogene yà ịnị aza ẹnẹẹ.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.