Imatiwu 13:11 - IWE ỌNỊNỊ

¹¹ Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Imatiwu 13:11 Iomraidhean Croise

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Ayịsaya 29:11

Ohomorihi ọ̀ọ sị ẹtẹ zụ̀ wụ nịnị ọ yị vaa zẹẹ ka wa yẹ iruvo ẹtẹ oni wee re nịnị. Vị ọ vaa sị mẹẹ iwe ana a chẹrẹ dị a sị ịsa kú ọ avọọ nị. Wàa si iwe ọnọọ yị ọza ana yara kà iwe dị ụ ka aarịhịnị ò pè wu kà a nị, dị ọ ka ọnị ọ yị zụ kà a, ka a raà sị ịsa kú ọ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Imatiwu 13:10

Dị ezirẹma Ijeesu va họ̀ ọ use ka, “Sị ẹ vẹ dị ụ waa sị ụhịrẹyịị kà ịrẹyịị yị wa?”

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 19:11

Dị Ijeesu tụ́ wa ohi, dị ọ ka, “Ẹ yị vị avaba aza ẹ zụ dọ ịrẹyị ọnọnị, ẹ̀ yị vị aza ana a sị yị.

Imatiwu 20:23

Dị Ijeesu ka, “Ịzẹyịza yọ, ụ vaa sị akoo hú ụyọrị oni mi vee hú nịnị. Ama ẹmị ẹ yị nyị ọda ọyịkà a wụ nịnị ka aza ẹnyị ẹ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ada amị ọ vaa sịị yị aza ọnọọ sị ọọ tenyi tịtẹ yị nị.”

Ịmaakị 10:40

Ama ẹmị ẹ yị nyị ọda ọyịkà a wụ nịnị ka aza ẹnyị ọ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ohomorihi ọ vaa sịị yị aza ọnọọ sị ọọ tenyi tịtẹ yị nị.”

Ịmaakị 4:11

Dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị ana nyịnẹ. Ama ẹnị ene hi ẹhẹ vị ana aa wụ́ avaba ịrẹyị ẹnẹnị ini oze ụhịrẹyị;

Iruuku 8:10

Di Ijeesu ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị nyịnẹ nịnị. Ama aza ana vọ vị ana aa wụ́ ọọ ini oze ụhịrẹyị, agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ wụ́.”

Ịjọọnụ 6:65

Dị Ijeesu rẹ kà a yị wa ka, “Agụvị avọọ mị vịdị kà a wụ nịnị ka ẹ yị nyị ọza ana zụ ká mị vẹ, ẹ̀ yị vị Ada amị o si oze yọ.”

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 16:14

 nyị ọnẹẹ ọnya aanị ana wụ́ ịrẹyị ayị. Ịrẹha anị ọ rị Iridiya nị; anẹkụra Itiyatira ọ vị nị. Dị ọọ̄ sẹ ohu ịta ovivi ana katarihi nị. Ọ rẹẹ̄ hẹkẹ Ohomorihi. Ohomorihi ộ mẹ̀ ka ọ̀ dọ ịrẹyị ọnị Ịpọọrụ aa kà, dị ọ rẹ dọ ọ wụ́ nị.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Aniroomi 16:25

Ohomorihi ọ zụ ka wa jẹẹ geri-geri nịnị anka enube ọyịza ọnị maa kà. Enube ọnọọ vị ịrẹyị Ijeesu Ikirisiti. Enube ọnọọ ọ rẹ kà ịrẹyị ịsa oni iruvo anị nyịnẹ anaa sị zụ̀. Ama ọza ẹ yị vịdị yẹ hụrẹ ụmọrụmọ ịnị ịyẹẹyẹ vẹ.

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.

1 Anịkọrịntị 15:51

Sị ụtọ pe ẹtẹ, dị ma kà ịsa ọnya ana nyịnẹ wụ nịnị! Avaba ayị o yi vee sú; ama a vaa vara avaba ayị ẹngụ

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

1 Anịkọrịntị 2:7

Ịrẹyọyẹ ẹnẹ ẹmị aa sịị kà ịrẹyị vị ịrẹyọyẹ Ohomorihi oni iruvo anị nyịnẹ, ene eyi ọza ọ̀yị vịdị há tù. Ama hụrẹ ụmọrụmọ dị a va yẹ ka aa mẹ ẹhẹ, Ohomorihi ọ raà mẹ eto ịsa ẹnẹẹ ka ya va nyị tụ́ ịnị ụbanyị anị.

1 Anịkọrịntị 4:1

Agụvị avọọ, yẹ nịnị ka ezi ahụ Ikirisiti ị vị nị, oni Ohomorihi raà sị ịrẹyị anị oni iruvo anị nyịnẹ chire yi ụvọ ka ya sị eyi pee.

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Anẹhwẹsọsị 1:9

Ọ raà sị zụ̀ yị saka-saka, ịsị ọnị ọ vịdị sị eto anị mẹ ka ọnị vaa zị oze ịnị ụvọ Ikirisitii mẹ; eyi ayị ẹ yị vịdị há tù ịsa ẹnẹẹ.

Anẹhwẹsọsị 5:32

Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị.

Anẹhwẹsọsị 6:19

Wa rẹẹ mẹ̀ aduwaa yị ẹmị nịnị bẹẹ ka, Ohomorihi ọ̀ sị ịrẹyị tụ́ mị irenu, dị ma zụụ sị ọtụtụrụma kà ịrẹyị, dị ma zụ sị zụ̀ aza ịrẹyị enube ọyịza ene eyi aza ọ̀yị há tù.

Anikorasi 2:2

Mị vavọọ aa vụrị agụvị ayị ẹnịnị ẹ̀ vị́, di è zụ sì ịrẹyị ẹngụ, dị ẹ̀ rẹ zụ vabẹ. Mee sì ka ẹ̀ yẹ ẹtẹẹtẹrẹ ịsa Ohomorihi vị ọnịrị ịrẹyị oni iruvo anị nyịnẹ. Ịrẹyị ọnọọ ọ vị Ikirisiti ọnị nyẹmba nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1 Itimoti 3:9

Áa vọrọ ka ẹ̀ sị ayị ọnya sị ụvọ za ịrẹyị ẹdọwụ ana ahịka iruvo anị ọ́ọ nyịnẹ.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

1 Ịjọọnụ 2:20

Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.