Imatiwu 12:2 - IWE ỌNỊNỊ

² Ịjị Anihwarisi nịnị vavọọ re e, dị ẹ kà a yị Ijeesu ka, “Re! Wée re ézirẹma awụ màa mẹ̀ ịsa ọnị ọda ọ̀yị zẹẹ ka à mẹ ịnị ẹkụhị ụhwọtụ!”

Imatiwu 12:2 Iomraidhean Croise

Ọyịkụra 23:12

Ịnị akakana ẹkụhị ịhịnọnyị ụ va sị mẹ̀ ụkọrọ nị. Asị a nyị ụkọrọ ọnị ụ mẹ ịhị ẹ tụ́ ọ ẹkụhị ịhịmba. Ọnọọ vaa mẹ ka imaaru ọnịrị ịkẹrịkẹtẹ awụ è re oze tụ́ ụhwọ. Ọrịhị ana a ma ini eehi awụ ọnịrị azọga ene hi ịda awụ ẹnị re vee re oze tụ́ ụhwọ dị ẹngụ ẹnịnị tana.

Ọyịkụra 35:2

Ọ kà wa mẹ avaba ụkọrọ ọnị ụ wàa mẹ nịnị ịnị akakana ẹkụhị ịhịnọnyị. Ọ kà ẹkụhị ọhụhịmba vị ẹkụhị anị. Ẹkụhị ụhwọtụ ọ vị nị, agụvị avọọ à sị tịtẹ yị ọnị Ẹnẹyịmavara. Ọ kà ọza ana àa mẹ̀ ụkọrọ ọnyọọnyị ịhị ọnọọ, à wụ̀ ọ.

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Imatiwu 12:10

 nyị ọza ịnya aanị ana yà ịzọọ ene sú ụvọ. A rẹ nyị aza ẹnyị ịzọọ ene ee sì ka ẹnị ẹ̀ sị ịrẹyị za Ijeesu, dị ẹ họ̀ ọ ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Imatiwu 12:3

Dị Ijeesu kà a yị wa ka, “Aanịka wẹẹ̀ yị kà ịsa oni Idevidi mẹ? Ịjị ụngwẹ aa kụ̀ Idevidi ọnịrị aza anị, dị è yi re ịsa rị,

Ịmaakị 2:24

Dị Anihwarisi nịnị kà a yị Ijeesu ka, “Re, sị ẹ vẹ dị ẹyaa mẹ̀ ịsa ọnị ọda ọ̀ yị zẹẹ ka à mẹ ịnị ẹkụhị ụhwọtụ?”

Iruuku 14:3

Dị Ijeesu kà a yị ọzwọzọda ọnịrị Anihwarisi nịnị ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Iruuku 23:56

Dị ẹ varẹma nọ eehi, di e ne tenyi eturare beri ịsa oyisisi oku tịtẹ nị. Ịnị ẹkụhị ụhwọtụ, dị ẹ tụ́ ụhwọ́ nị, anka ọ́da Imosiisi mẹ̀ kà a.

Iruuku 6:2

Anihwarisi ẹnyị aanị ệ kà a yị wa ka, “Sị ẹ vẹ dị ụ waa mẹ̀ ịsa ọnị ọda ọ̀ yị zẹẹ ka à mẹ ịnị ẹkụhị ụhwọtụ nịnị?”