Imatiwu 11:5 - IWE ỌNỊNỊ

⁵ Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Imatiwu 11:5 Iomraidhean Croise

2 Ohinọyị 5:14

Ịzẹyịza, dị ọ na Okuha Ịjọdanị nị. Ô tu ịzọọ, dị o chi ngụ ọ ụpẹ ịhịmba anka ọza Ohomorihi mẹ̀ kà a yọ nị. Ụpẹngụ anị ộ vavẹ eehi, dị ọ kụkụ ya anka ụpẹngụ ozinụvọ avọọ nị. Ẹngụ anị ộ ta.

2 Ohinọyị 5:7

Óhinọyị Anisirẹrị mẹ̀ kà ịrẹta ọnọnị kẹnẹ, dị ayị anị du, dị ọ na awuru anị hi ẹngụ. Ọ kà, vị ọnị wáá vị Ohomorihi ana zụ dọ ọza ụhwẹ, dị ọ́ rẹ zụ mẹ ka ọza ọ̀ yara nị? Sị ẹ vẹ dị aa tụ ọza vee tu ọnị ka ọnị ọ̀ mẹ̀ ẹ ụkụ ọbanyị anị? Ọ kà, è re ka, vị ohinọyị Isiriya ee sì ọnị ịrazị kẹnẹ aanị nị.

Ahẹ Ụgama 146:8

Ẹnẹyịmavara ọọ̄ há eyi ọza ene gù eyi nị, dị ọ rẹẹ sị aza ana aa hyẹdụụ kwẹẹtẹ nị. Ẹnẹyịmavara oō sì ịrẹyị aza ana aa mẹ̀ ịsa ana vọrọ.

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Ọyịkụra 4:11

Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara?

Ayịsaya 29:18

Ịnị ụmẹ ọnọọ, ogutọ nịnị vaa wụ́ ịrẹyị ana a chẹrẹ tụ́ ini iwe ọnọọ àa kà a. Ogweyi nịnị ana vịdị yà ịnị ịrahụ vaa há eyi di ee re ẹtẹ.

Ayịsaya 29:19

Ẹnẹyịmavara ana vị Ohomorihi ẹnịnị ana Anisirẹrị aa hẹkẹ rẹ vanaa mẹ ka onosiye nịnị ẹ̀ rẹẹ jẹ.

Ayịsaya 43:8

Ohomorihi ka, kụ́ aza ana nyị eyi dị ẹnịnị è yi re ẹtẹ aanị vẹ; aza ana nyị ụtọ dị ẹnịnị ẹ̀ yị wụ́ ịrẹyị aanị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ịzakaraya 11:7

Osohu atẹmẹ nịnị ệ dọ ọnị ụkọrọ, dị ọnị vị oseratẹmẹ yị atẹmẹ ana na wụ̀ nị. Ọnị ộ sị ọchị ẹẹva rị ụvọ nị. Ịrẹha ọnya ọ rị Ẹyịzọhẹ, dị ọsa rị Ẹvabẹ nị. Avọọ ọnị mẹ sị eyi pe atẹmẹ ẹnẹẹ nị.

Imatiwu 10:8

Waa mẹ ọnịkụ ụkụ ẹnịnị, dị ụ waa ha okuu kwẹẹtẹ nịnị! Waa rẹẹ mẹ ọnịkụ ọbanyị nịnị ụkụ, dị ụ wa rẹẹ dụ ụhwẹ echuu jịnẹ nịnị! We yi sí ụta tụ́ ịnị ịsa ọnị ụ dọ nịnị; agụvị avọọ ẹwụ nịnị ọ̀ rẹẹ sị yị aza ọọhẹ!

Imatiwu 11:4

Dị Ijeesu tụ́ ohi, dị ọ ka, “Varẹma na kà a yii Ịjọọnụ ịsị ụ waa wụ́ ọnịrị ịsị u wee re nịnị!

Imatiwu 12:13

Ịjọnọọ dị ọ kà a yị ọnọrụ ọnọọ ka, “Tana ụvọ awụ!” Dị ọ tanaa, dị ụvọ anị ta, dị ọ rẹ sị yà anka ọsa nị.

Imatiwu 21:14

Ogweyi nịnị ọnịrị oswahụ nịnị ệ kà vẹ ini irehi Ohomorihi ọnọọ, dị ọ mẹ wa ụkụ nị.

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Imatiwu 9:30

Di eyi ẹnịnị sị há nị. Dị Ijeesu hú wa ụvọ ẹtẹẹtẹrẹ, dị ọ ka, “Asị ụ zẹẹ ka à nyị ọza ana yẹ nịnị o!”

Ịmaakị 7:37

Ô hí wa irenu ẹtẹẹtẹrẹ, dị ẹ ka, “Ịsa tụra ịsa ọnị ọ̀ọ mẹ vị eneē zoza ẹtẹẹtẹrẹ. Ộ mẹ ka ogutọ ọ̀ọ wụ́ ịrẹyị, ọ rẹ mẹ ka ogurenu ọ̀ọ kà ịrẹyị.”

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ịjọọnụ 10:25

Dị Ijeesu tụ́ ohi, dị ọ ka, “Mâ vịdị sị ọọ kà a wụ nịnị, ama we yi sì ka wa dọ wụ́ nịnị. Ụkọrọ ẹbanyị-ẹbanyị ọnị mị hyakụ aa sị ịrẹha Ada amịị mẹ, vị onivenu ịrẹyị amị.

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Ịjọọnụ 2:23

Íjeesu mẹ̀ yà Ijerusarẹmị ịnị ụmẹ Eche Ọyịparahu, aza ọrụrụ-ọrụrụ ệ sị ayị tụra a, agụvị ka ê re apọtẹrẹwa ọnị ọ mẹ.

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 9:7

Dị Ijeesu kà a yọ ka, “Na, dị ụ wa na nyịna eyi awụ ini adagu Ịsayịrọmị.” (Iruvo “Ịsayịrọmị” ọ vị “â tụ́ ọọ”.) Ịzẹyịza, dị ọnọrụ ọnọọ na, dị ọ na nyịna eyi anị, di o kuku ee re ẹtẹẹ vẹ nị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.