Imatiwu 11:25 - IWE ỌNỊNỊ

²⁵ Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Imatiwu 11:25 Iomraidhean Croise

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 14:22

Dị Abụramị ka: Eyiye, ọnị ộ vịdị raà sị́ Ẹnẹyịmavara Ohomorihi ana nẹba hu keekere ana mẹ ẹbẹẹba ọnịrị ẹhẹ hị́ eku,

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

1 Ịtọpa 29:13

Ọ kà yáa kụ́ Ohomorihi ayị avọọ ọyaanị. Yáa sị ụgaa wụ agụvị ka wáa nyị ụbanyị ẹtẹẹtẹrẹ.

Ijoovu 37:24

Agụvị avọọ avaba ọzaā hị́ angwa anị nị. Aza enee vene ẹngụ ẹnịnị ka vị ẹnị yẹ ịrẹyị nị, vị oni Ohomorihi sị eyi ịyẹyẹ re.

Ahẹ Ụgama 8:2

Wa mẹ ka ezweyi ọnịrị ezinụvọ nịnị ẹ sị ụkata awụ zụ̀. Agụvị ọnịvị awụ ụ vavọọ mẹ̀ ẹ nị, dị wa sị za anayamụkụ ọnịrị ọbarọza ụvọ chire enyi.

Ayịsaya 5:21

Wa sị dà nịnị, ẹwụ nịnị ene ee re ẹngụ awụ nịnị ka wâ dà yẹ ịrẹyị nịnị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ịdanịyẹrị 2:23

Ịdanịyẹrị ka, “mâ kụ Ohomorihi ohiku amị nịnị avọ, dị mị rẹ sị ụgaa yọ nị, agụvị ka ọ raà sị ịrẹyọyẹ ọnịrị ụkata yị mị”. Ô tu ẹnị ohi ịrẹyị ọnị ẹnị họ̀ use anị, dị ọ kà a yị ẹnị ịsa ọnị ohinọyị ee sị ka ọnị ọ̀ yẹ nị.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 21:16

Dị ẹ kà a yị Ijeesu ka, “Wáá wụ́ ịsị ẹyaa kà?” Dị Ijeesu kà a yị wa ka, “Maa wụ́. Aanịka wẹẹ̀ yị kà a ini Iwe Ohomorihi nịnị ka, ‘Wa raà sị zụ̀ ezi eweyi ọnịrị ezi ene ee hú ịrẹva ka ẹ̀ẹ sị irenu ẹnịnịị sị ụgaa yị wụ ẹtẹẹtẹrẹ.’ ”

Iruuku 22:42

Dị ọ ka, “Ada amị, wèe sì, ụ sị ako ụyọrị ọnọnị hụrẹ mị ịrẹsụ. Ama ẹ yị vị ịsị mi sì, mẹ ịsị u wèe sì!”

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

Ịjọọnụ 11:41

Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 12:28

Ọga, sị igirima yị ẹngụ awụ!” Dị ọngwẹ ọnya kà ịrẹyị hụrẹ ẹbẹẹba vẹ nị, dị ọ ka, “Ma raà sị igirima yị ẹngụ amị da, mị rẹ vaa sị igirimaa yị ẹngụ amị.”

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

1 Anịkọrịntị 2:10

Ama Ohomorihi ọ raà mẹ ka Ụhwẹ Ọnịnị ọ̀ sị ịsa ẹnẹẹ zụ̀ ẹyị. Agụvị ka Ụhwẹ Ọnịnị vị eneē sì iruvo avaba ịsa, à hị́ ịsa ana nyịnẹ ana ahịka Ohomorihi kẹnẹ ọ yẹ nị.

2 Anịkọrịntị 3:14

Ayị ẹnịnị vị ẹnẹ rẹ sị ịta kú. Vi ve tụ́ ajịnị, ẹ̀ẹ yaa kà iwe oto ịyẹẹyẹ, vị ịsa ọnọọ ki kú wa ayị nị. Ịhị ọza ọnịrị Ijeesu oni Ohomorihi nyị mẹ ohinọyị ka ọ̀ dọ yị há, ọ̀ọ sị vị ọnya, ịhị ọnọọ a vaa hụ̀ ịsa ọnọọ hụrẹ ẹ ayị nị.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.