Imatiwu 11:21 - IWE ỌNỊNỊ

²¹ “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 11:21 Iomraidhean Croise

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijowẹrị 3:4

Dị Ẹnẹyịmavara họ̀ Anitaya ọnịrị Anisidoni ne beri Anihwirisiti ka sị ẹ vẹ dị ẹ vavọọ aa mẹ̀ ebira hi ọnị? Vị ẹnịnị wéé vi ene si ọnị atọ nị? Àa vị avọọ yị ọọ nị, ọnị vaa vee sị wa atọ obobooro ọnọọ.

Emọsị 1:9

Ẹnẹyịmavara kà ọnị aa pa ịva yị Anitaya agụvị ebira odivi odivi ọnị ệ mẹ̀. Ẹnịnị ê va jịnẹ eku ọnị ẹnịrị aza anị hị́ yị ẹngụ dị ẹ za wa ọrịhị ne chire Anedomi nịnị ụvọ nị. Ẹnịnị ẹ yị mẹ e sị rị.

Imatiwu 11:22

Ama dị ma kà a wụ nịnị ka ọ vaa daahi yị Anịtaya ọnịrị Anisidoni nịnịị huna wụ nịnị ịnị ẹkụhị ọkarẹyị.

Imatiwu 15:21

Ijeesu ộ hụụ ịzọọ, dị aa nọ ọgụrị ẹkụra Ịtaya ọnịrị Ịsịdọnị nị.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Ịmaakị 3:8

Aza ẹ rẹ hụrẹ Ijerusarẹmị ọnịrị Idumiya vẹ, ẹ rẹ hụrẹ akẹnẹ Okuha Ịjọdanị vẹ, dị ẹ rẹ hụrẹ ọgụrị ẹkụra Ịtaya ọnịrị Ịsịdọnị vẹ bẹẹ nị. Avaba aza ẹnẹnị ệ ká Ijeesu vẹ, agụvị ka ệ vịdị wụ́ ịsa ọnọọ mẹ.

Ịmaakị 6:45

Obooboro ọnọọ, dị Ijeesu ka ezirẹma anị ẹ̀ wụsẹ ngụ ịnị ẹpa, dị ẹ̀ nọ akẹnẹ irehu, dị ẹ̀ẹ nọ ẹkụra Ịbẹtịsedaa zí ọnị; dị ọ ka ọkọnị aza ẹnẹẹ ẹ̀ẹ na nị.

Ịmaakị 7:24

Ịjị Ijeesu hụụ ịzọọ, dị aa nọ ọgụrị ẹkụra Ịtaya nị. Ộ ngụ ini eehi ọnya aanị, o yi sì ka à yẹ ka ọnị yà ịzọọ; ama ọ yị zụ tẹ.

Ịmaakị 7:31

Dị Ijeesu hụrẹ ọgụrị Ịtaya, dị ọ zị oze Ịsịdọnị nọ ẹkụra ana aā hị́ Idekapori, dị ọ na ngụ ụtọ irehu Igariri nị.

Ịmaakị 8:22

Ẹnịnị ê tù ẹkụra ana aā hị́ Ịbẹtịseda. Aza ẹnyị aanị ệ sị ogweyi ọnya ká a vẹ. Dị ẹ dá ịpẹ yị Ijeesu ka ọ̀ sị ụvọ kanyị ọọ nị;

Iruuku 4:26

Ama Ohomorihi ọ yị tụ́ Erija nọ ịdị osoku ọnyọọnyị, ẹ̀ yị vị osoku ana yà ẹkụra Ịzarẹhwatị kẹnẹ ịnị ẹtẹ Ịsịdọnị.

Iruuku 6:17

Ịjị Ijeesu ọnịrị ezirẹma anị zi chí vẹ, dị ọ Jẹẹ inozi nị. Dị aza ịrẹma anị ọrụrụ-ọrụrụ ẹnịrị ọkọnị aza ana hụrẹ Ijudiya ọnịrị Ijerusarẹmị ne beri ẹkụra Ịtaya ọnịrị Ịsịdọnị ene hi ụtọ oku va gụ kara a nị. Di eyee sì ka ẹnị ẹ̀ wụ́ ịrẹyị anị, dị ẹ̀ rẹ mẹ ẹnị ụkụ nị.

Iruuku 9:10

Ịjị odeyi ẹnẹẹ vẹ, dị ẹ kà a yị Ijeesu avaba ịsị ẹ mẹ nị. Dị Ijeesu sị wa, dị ọnịrị wa ịnya kẹnẹ zị aa nọ ịzị aza ẹ̀ yị yà ana yà ịnị ẹkụra ana aā hị́ Ịbẹtịseda nị.

Ịjọọnụ 1:44

Ihwiripi vị Anịbẹtịsayịda, ẹkụra Andụrụ ọnịrị Ipita.

Ịjọọnụ 12:21

Dị ẹnịnị ka Ihwiripi ana hụrẹ Ịbẹtịseda ẹkụra Igariri vẹ, dị ẹ kà a yọ ka, “Ọga, yee sì ka ye re Ijeesu.”

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.