Imatiwu 11:12 - IWE ỌNỊNỊ

¹² Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 11:12 Iomraidhean Croise

Imatiwu 11:11

Ịzẹyịza m maa kà a wụ nịnị nị, ịnị avaba aza anaa ma, Ịjọọnụ ọhwọzenyi ọ nyị ụbanyị hu nị. Ama ọza ene weyi hu ịzị Ada ayị ẹbẹẹba yà aa mẹ ịjọva, ọ nyị ụbanyị hu Ịjọọnụ nị.

Imatiwu 11:13

Avaba ọnịsẹ nịnị beri ọda Imosiisi va ngụ ụmẹ Ịjọọnụ vị ana aa kà ịsẹ ka ịjọva Ada ayị ẹbẹẹba vaa vẹ.

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Ịjọọnụ 5:4

 nyị anggẹẹrị ọnya aanị eneē chíi nọ ini enyi ọnọọ ịnị ụmẹ ẹnyị, dị ọ na vara a. Ọ̀ọ vavọọ sị ọọ vara, ọza tụra ọza ana àa vịdị ngụ ini enyi ọnọọ, ịsa tụra ịsa ana àa zị ọọ vị ana aa ta.]

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;