Imatiwu 10:8 - IWE ỌNỊNỊ

⁸ Waa mẹ ọnịkụ ụkụ ẹnịnị, dị ụ waa ha okuu kwẹẹtẹ nịnị! Waa rẹẹ mẹ ọnịkụ ọbanyị nịnị ụkụ, dị ụ wa rẹẹ dụ ụhwẹ echuu jịnẹ nịnị! We yi sí ụta tụ́ ịnị ịsa ọnị ụ dọ nịnị; agụvị avọọ ẹwụ nịnị ọ̀ rẹẹ sị yị aza ọọhẹ!

Imatiwu 10:8 Iomraidhean Croise

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Imatiwu 10:1

Ijeesu ộ hị́ ezirẹma anị ẹwụrẹva gụ, dị ọ sị ọda yị wa ka ẹ̀ẹ dụ ụhwẹ echuu jịnẹ, dị ẹ̀ rẹẹ mẹ avaba ụkụ irenyi-irenyii yị aza nị.

Imatiwu 10:7

Na kà a yị wa nịnị ka ụmẹ ana Ada ayị ẹbẹẹba aa sịị mẹ ịjọva ọ sị gụrị ẹtẹ.

Imatiwu 10:9

Asị ụ za ẹkẹhị ọnyọọnyị nịnị tụ́ ịnị asụnụ awụ nịnị!

Ịmaakị 16:18

Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”

Iruuku 10:9

mẹ ọnịkụ ene èe hi ịzọọ ụkụ nịnị! dị ụ wa kà a yị wa ka: ‘Ohomorihi aa vaa mẹ ịjọva tụra wụ nịnị ịrẹsụ!’

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”