Imatiwu 10:42 - IWE ỌNỊNỊ

⁴² Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Imatiwu 10:42 Iomraidhean Croise

1 Ohinọyị 17:11

Dị ọnẹẹ ọnọọ si hu ka ọnị ọ̀ na kà enyi ọnọọ vẹ nị. Di Erija rẹ hị́ ọ nị dị ọ ka, “Aarịhịnị sị ịsọyịrị chee rị ụvọ va mi dê!”

2 Ohinọyị 4:10

Ọ kà, ọva anị ọ̀ jẹẹ dị ẹnị ẹ̀ da aku ọnya tụra ịrẹsụ irehi ẹnịnịị yọ; ẹnị ẹ̀ sị ịvẹẹdị, itevuru, ọnịrị aga beri ozotupa tụ́ ịzọọ yọ. Ịhị tụra ịhị ọnị ọ̀ọ vẹ ịdị ẹnịnị, dị ọ yà ịzọọ.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ụhịrẹyị 24:14

Avọọ ịrẹyọyẹ mẹẹ̄ hine nị. Re ka waa nyị ịrẹyọyẹ agụvị ụhwọọ awụ o zoza, dị asị ụ sụ́ ụmayịyẹ.

Ịrẹyị Ọzwọzịsa 11:1

Waa mẹ ẹyịza ụmẹzụ-ụmẹzụ, óo kukuku ẹyịza awụ vaa va ụhị vàa ka awụ vẹ.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Imatiwu 18:14

Avọọ gẹdẹ-gẹdẹ Áda awụ nịnị ẹbẹẹba ò yi mè sì ka ọnya ini ezi eweyi ẹnẹnị è vu ẹtẹ nị.”

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Iruuku 17:2

Ọza ana àa mẹ ka ọnya ini ezi eweyi ẹnẹnị ọ̀ mẹ ịvị, ọ yaanị dahi huu yọ ka à sị ịrẹtọkwayị ọbanyị, di è kuru ọọ gẹ ẹ ọrọkọ, di è ne e ngụ oku.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.