Imatiwu 10:25 - IWE ỌNỊNỊ

²⁵ Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 10:25 Iomraidhean Croise

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 12:27

Àa vị ụkata Ịbẹẹrịzẹbụ, m maa sịị dụ ụhwẹ echuu jịnẹ nị, ẹnẹ sị ụkata yị ezi ewu nịnị ẹnẹ ẹnị raa sịị dụ ụhwẹ echuu jịnẹ? Ezi ewu nịnị ụvọta ẹ vaa kà a nị.

Imatiwu 9:34

Ama di Anihwarisi nịnị ka ohirẹsụ ụhwẹ echu nịnị ọ sị ụkata yị Ijeesu ana aa sịị dụ ụhwẹ echuu jịnẹ nị.

Ịmaakị 10:39

Dị ẹ kà a yọ ka, “Ya zụ mẹ̀ ẹ.” Dị Ijeesu ka, “Ịzẹyịza yọ, ụ vaa sị ako hú ụyọrị oni mi vee hú nịnị. Ọyịhwọzenyi anaa vaa mẹẹ mị, a rẹ vaa mẹẹ wụ nịnị.

Ịmaakị 3:22

Ọzwọzọda nịnị ê chí hụrẹ Ijerusarẹmị vẹ, dị ẹ ka Ijeesu ộ nyị ụhwẹ echu ana aā hị́ “Ịbẹẹrịzẹbụ”, dị ẹ rẹ ka ụkata ọga ụhwẹ echu nịnị aa sịị dụ ụhwẹ echuu jịnẹẹ hụụnị ẹngụ aza nị.

Iruuku 11:15

Ama dị aza ẹnyị ịnị ẹnịnị ka, “Ụkata ọga ụhwẹ echu nịnị ana aā hị́ Ịbẹẹrịzẹbụ, Íjeesu aa sịị dụ ụhwẹ echuu jịnẹ nị.”

Iruuku 11:18

Echu ọ̀ọ rẹ kwẹẹtẹ tù ẹngụ anị, ị́jọva anị mẹmẹ zụ kwẹẹtẹ? M maanị aa kà, agụvị ka waa kà a nịnị ka ụkata Ịbẹẹrịzẹbụ m maa sịị dụ ụhwẹ echuu jịnẹ hụụnị ẹngụ aza nị.

Iruuku 11:19

Àa vị ụkata Ịbẹẹrịzẹbụ m maa sịị dụ ụhwẹ echuu jịnẹ nị, ẹnẹ sị ụkata yị ezi ewu nịnị ẹnẹ ẹnị raa sịị dụ ụhwẹ echuu jịnẹ? Ezi ewu nịnị ụvọta ẹ vaa kà a nị.

Ịjọọnụ 10:20

Aza ọrụrụ-ọrụrụ ẹnịnị aa kà a ka, “Ộ nyị ụhwẹ echu, vi ee che uvu nị! Sị ẹ vẹ di u wee batọ ịrẹyị anị nịnị?”

Ịjọọnụ 7:20

Dị ọkọnị aza ẹnẹẹ tụ́ Ijeesu ohi, dị ẹ ka, “Wáá yẹ ka ụhwẹ echu yà ịnị ẹngụ awụ? Ene ee sì ka ọnị ọ̀ wụ wụ?”

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!