Imatiwu 10:21 - IWE ỌNỊNỊ

²¹ Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Imatiwu 10:21 Iomraidhean Croise

2 Ịsamụwẹrị 16:11

Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị.

Ijoovu 19:19

Ọta amị ẹnị mị sị mẹ ọnịnẹ vị ẹnị mị kụkụ aa nyị ịhyẹrẹ. Aza ẹnị mị sì ịrẹyị anị hu, ẹ raà và eyirazị ka mị.

Ahẹ Ụgama 50:20

Waa kà ịrẹyị odivi ọyịnyara awụ di wee du ọ ịrẹsụ.

Ayịsaya 19:2

Ẹnẹyịmavara kà ọnị vaa mẹ ka Anijipiti ẹ̀ kwẹẹtẹ tù ẹngụ. Ịrẹkụ vaa chị yị ẹyịnyara. Anokokooro ẹnyị vaa kwẹẹtẹ tù ọsa, dị anẹkụra ẹnyị rẹ kwẹẹtẹ tù ọsa. Avọọ ohinọyị nịnị mẹ̀ vaa kwẹẹtẹ tù ẹngụ dị ẹ yaa kụ̀ ịrẹkụ nị.

Ịzakaraya 13:3

Àa nyị ọza ana kà ịsẹ, ọnyị ọnịrị ada anị vaa kà a ka a wụ́ ọ agụvị ka ee cheeche ịnị ịrẹha Ẹnẹyịmavara. Ọ̀ọ kà ịsẹ, ọnyị ọnịrị ada anị vaa jị ụhwọ ngụ ẹngụ di o su.

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.