Imatiwu 10:2 - IWE ỌNỊNỊ

² Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

Imatiwu 10:2 Iomraidhean Croise

Imatiwu 17:1

Ịrẹma ẹkụhị ịhịnọnyị, dị Ijeesu sị Ipita ọnịrị Ijemiisi beri Ịjọọnụ nọ ịrẹsụ ataba ọnẹba ọnya aanị nị. Ẹnịnya kẹnẹ ẹ yà ịzọọ nị.

Imatiwu 20:20

Dị ọnyị ezi Izebedi kụ́ ezi anị ve tù Ijeesu nị; dị ọ va ku ẹtẹ yọ, dị ọ ka ọ̀ mẹ̀ ịsa ọnya yị ọnị nị.

Imatiwu 26:37

Dị ọ sị Ipita ọnịrị ezi Izebedi ẹyịva aa na nị. Ayị Ijeesu ee du, dị ẹngụ anị aa vaahi nị.

Imatiwu 4:18

Ijeesu màa zị ụsẹ ụtọ irehu Igariri, ô re ẹyịnyara ẹẹva, Ịsayịmọnị ana aā hị́ Ipita, ọnịrị Andụrụ ọyịnyara anị. Eyee ne ọhaa ngụ enyi, agụvị ka ozube ivovo ẹ vị nị.

Imatiwu 4:21

Ọ mẹ̀ rẹ hụụ ịzọọ aa na, o re re ẹyịnyara ẹẹva ọsa, Ijemiisi ozi Izebedi ọnịrị Ịjọọnụ ọyịnyara anị. Ẹnịnị hi ịnị ẹpa beri Izebedi ada ẹnịnị, ẹ yaa gẹ ọha ẹnịnị. Dị Ijeesu hị́ wa nị.

Ịmaakị 1:29

Ẹ mẹ̀ yị hụụnị irehi ahẹkẹ Aniju ọnọọ kẹnẹ, dị ẹ nọ ini eehi Ịsayịmọnị ọnịrị Andụrụ nị, ẹnịrị Ijemiisi beri Ịjọọnụ ẹ zị na nị.

Ịmaakị 13:3

Ijeesu ộ nọ ịrẹsụ Ataba Orivi, dị ọ yaayịtẹ, dị ọ và eyi ká irehi Ohomorihi nị. Dị Ipita ọnịrị Ijemiisi ne beri Ịjọọnụ ọnịrị Andụrụ tangwa họ̀ ọ use, dị ẹ ka:

Ịmaakị 6:30

Apositeri nịnị ệ kụ́ ẹngụ gụ ị́dị Ijeesu. Dị ẹ kà a yọ ịsa ẹnẹ ẹnịnị sị mẹ, ọnịrị ịsa ẹnẹẹ sị zụ̀ aza nị.

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Iruuku 22:14

Ịjị ụmẹ si tù, dị Ijeesu yaayịtẹ beri ezirẹma anị ka ẹnị ẹ̀ rị ịsa nị.

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

Iruuku 5:10

Ijemiisi ọnịrị Ịjọọnụ, ezi Isebede, vị ẹnẹ ẹnịrị Ịsayịmọnị dudu aa mẹ̀ ụkọrọ. Avọọ o mè re hí ẹnị irenu nị. Dị Ijeesu kà a yị Ịsayịmọnị ka, “Asị u rè hí angwa, hụrẹ ajịnị na, aza ụ kụkụ vanaa kụ́ụ vẹ nị!”

Iruuku 9:10

Ịjị odeyi ẹnẹẹ vẹ, dị ẹ kà a yị Ijeesu avaba ịsị ẹ mẹ nị. Dị Ijeesu sị wa, dị ọnịrị wa ịnya kẹnẹ zị aa nọ ịzị aza ẹ̀ yị yà ana yà ịnị ẹkụra ana aā hị́ Ịbẹtịseda nị.

Ịjọọnụ 12:22

Di Ihwiripi vẹ, dị ọ va kà a yị Andụrụ nị. Dị Andụrụ ọnịrị Ihwiripi zị na kà a yị Ijeesu nị.

Ịjọọnụ 13:23

Ọnya ini ezirẹma ẹnẹẹ oni Ijeesu sì ịrẹyị anị vị ana yaayịtẹ gụrị Ijeesu gẹdẹ-gẹdẹ.

Ịjọọnụ 20:2

Di o zwe ne tù Ịsayịmọnị Ipita ọnịrị ozirẹma ọsa oni Ijeesu sì ịrẹyị anị. Dị ọ kà a yị wa ka, “Ẹ raà sị Ananyị yị hụụnị ikuta, ọ! Yẹ yị yẹ ịzị ẹ sị ọọ na tụ́.”

Ịjọọnụ 21:2

Ịsayịmọnị Ipita ọnịrị Ịtọmọsị ana aā hị́ Ejima, beri Inatanẹrị Anikana ịnị ẹtẹ Igariri, ọnịrị ezi Izebedi beri ezirẹma Ijeesu ẹẹva ọsa ệ kụ́ gụ.

Ịjọọnụ 21:20

Ipita ộ kana eyi, di o re ozirẹma ọnọọ oni Ijeesu sì ịrẹyị anị, ọ màa dụ wa ịrẹma nị. Ọnị ọ rẹ yaayịtẹ gụrị Ijeesu aha ịsọyịrị di ee họ̀ use ka: Ananyị yị, ẹnẹ vaa sị wụụ chire ọnịvị awụụ ụvọ nị?

Ịjọọnụ 21:24

Ozirẹma ọnọọ ọ kà ịrẹyị ọnọnị, dị ọ rẹ chẹrẹ iwe ọnọnị tịtẹ nị. Yâ yẹ ka ịrẹyị ọnọọ kà vị ịzẹyịza

Ịjọọnụ 6:67

Dị Ijeesu va kà a yị ezirẹma anị ẹwụrẹva ana vọ ka, “Vị ẹwụ nịnị wáá rẹ ka ẹwụ nịnị raa na nị?”

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Ịjọọnụ 6:71

Ịjọnọọ, Ijeesu aa kà ịrẹyị Ijudasi Isikarịyọtị, ana vị ozi Ịsayịmọnị; agụvị ka ịzẹyịza, Ijudasi vị ọnya ini ezirẹma ẹwụrẹva, ama ọnị ọ vaa sị Ijeesu chire ọnịvị anị ụvọ nị.

Ịjọọnụ 6:8

Dị ozirẹma anị ọnya ana aā hị́ Andụrụ, ọyịnyara Ịsayịmọnị Ipita, kà a yị Ijeesu ka:

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Odeyi 1:26

Ịjị ẹ maanị sị aduwa mẹ̀, di e sì ọza ọnị ọ vọrọ tụra nị. Dị ahịka Imataya ọ za nị, dị ẹ sị ọọ vaka ezirẹma ẹwụrọnya ana vọ nị.

Odeyi 12:2

Ộ za Ijemiisi ẹnẹbẹnị Ịjọọnụ, ộ sị ụ̀hwọ̀ wụ̀ ọọ.

Odeyi 3:1

Ẹkụhị ọnya, Ipita ọnịrị Ịjọọnụ ệ nọ ini irehi Ohomorihi ịnị ụmẹ agogo ẹẹta ọọdụ ana vị ụmẹ aduwa.

1 Anịkọrịntị 15:7

Ịrẹma ọnọọ, dị Ijemiisi oni re re e nị, beri ezirẹma Ijeesu ana vọ nị.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2 Ịjọọnụ 1:1

Ẹmị ana vị ọzọkụ ịragụ Ohomorihi aa chẹrẹ iwe ọnọnịị tụ́ụ hi wu, onyeyiza ayị ọnị Ohomorihi nyị ọnịrị ezi anị. Mée sì ịrẹyị awụ nịnị ẹtẹẹtẹrẹ. Ẹ yị vị ẹmị ịnya kẹnẹ o sì ịrẹyị awụ nịnị, ama avaba aza ana sị ịzẹyịza dọ.

3 Ịjọọnụ 1:1

Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 22:8

Ẹmị Ịjọọnụ, mê re ịrẹyị ẹnẹnị, dị mị rẹ wụ́ ọọ nị. Ịjị mi re e, dị mị rẹ wụ́ ọọ, mâ và ku ẹtẹ ọvịdị anggẹẹrị ana sị ịsa ẹnẹnị zụ̀ mị ka ma hẹkẹ ẹ.