Imatiwu 10:14 - IWE ỌNỊNỊ

¹⁴ Ọza tụra ọza ẹnẹ ẹ̀ yị dọ wụ nịnị, dị ẹ̀ yị rẹ wụ́ ịrẹyị awụ nịnị nị, bànyị edudu ahụ awụ nịnị hi ịzọọ, wàaa hụụnị ẹkụra ọnọọ, àa vị ini eehi ọnọọ nịnị.

Imatiwu 10:14 Iomraidhean Croise

Inehemaya 5:13

Ẹ́ mẹ̀ sị eku hị́, dị mị và oku awuru amị ịnẹ vẹ ẹhẹ, dị mị banyị ọ, dị mị ka; aanị Ohomorihi mẹ̀ vaa banyị ẹhẹ aza ẹnẹ ẹ yị mẹ̀ ịsị e wo oto anị aanị ha nị. Ohomorihi vaa tụ ẹngụ aza ẹnẹẹ avosusu, dị a dọ wa irehi ẹnịnị nị. Dị avaba ịragụ ana gụ tụ ọ ohi ka aamị nị. Dị ẹ sị ụga yị Ẹnẹyịmavara, dị ẹ mẹ̀ ịsị e wo oto anị nị.

Imatiwu 10:13

Anineehi ọnọọ ẹ̀ẹ dọ wụ nịnị ọzọga, ẹngwọọrọ awụ nịnị ọ̀ yà pe wa. Ama ẹnịnị ẹ̀ yị dọ wụ nịnị ọzọga, dị ẹngwọọrọ awụ nịnị ọ̀ và ká wụ nịnị vẹ.

Imatiwu 18:5

Ọza ana àa dọ ẹngụ ozweyi ọnọnị pe ẹngụ agụvị ịrẹha amị, ẹmị ọ rẹ dọ pe ẹngụ avọọ nị.”

Ịmaakị 6:11

Aha tụra aha ọnị ụ wàa ngụ, dị aza è yi sì wu nịnị ọzọga, dị ẹ̀ yị rẹ wụ́ ịrẹyị awụ nịnị nị, ịjị ụ wàa hụụ ịzọọ nịnị, dị ụ bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹnẹ ẹ mẹ, ô divi.”

Ịmaakị 9:37

“Ọza ana àa dọ ẹngụ ezi eweyi ẹnẹnị pe ẹngụ agụvị ịrẹha amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ẹ yị vị ẹmị gẹdẹ-gẹdẹ ọ dọ pe ẹngụ, ama ọza ana tụ́ mị vẹ ẹhẹ ọ dọ nị.”

Iruuku 9:48

Dị ọ kà a yị wa ka, “Ọza ana àa dọ ẹngụ ozweyi ọnọnị pe ẹngụ agụvị amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ọza ana tụ́ mị vẹ ẹhẹ, ọ rẹ dọ pe ẹngụ avọọ nị. Ọza ana ka ẹngụ anị chi hu ịnị awụ nịnị, oni o hu keekere nị.”

Iruuku 9:5

Aha tụra aha ọnị ọza è yi sì wu nịnị ọzọga, ịjị ụ wàa hụrẹ ẹkụra ọnọnị nịnị, bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹ mẹ, ô divi!”

Ịjọọnụ 13:20

Ịzẹyịza m maa kà a wụ nịnị nị, ọza tụra ọza ana àa dọ ọza ọnị mị tụ́ ụtụ, ẹmị ọ rẹ dọ avọọ nị. Ọza ana àa dọ mị, ọ rẹ dọ Ọza ana tụ́ mị vẹ ẹhẹ.”

Odeyi 13:51

Dị Ịpọọrụ nịnị bànyị edudu ahụ ẹnịnị hi ịzọọ yị wa, dị ẹyaa nọ ẹkụra ana aā hị́ Ayịkọnịyọmị nị.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.