Imatiwu 10:12 - IWE ỌNỊNỊ

¹² Wàaa ngụ ini eehi nịnị, kụ́ anineehi ọnọọ ka ẹngwọọrọ ọ̀ va awụ nịnị o!

Imatiwu 10:12 Iomraidhean Croise

Ahẹ Ụgama 122:7

Ẹngwọọrọ vị ana vaa yà ịnị ẹkụra Ijerusarẹmị. A yi nyị ịsị e vee chire ọza angwa ini ohweje ohinọyị.

Ahẹ Ụgama 122:8

Mị vaa hụ agụvị ẹyịnyara amị ọnịrị ọta amịị mẹ̀ aduwa ka ẹngwọọrọ ọ̀ yà ịnị ẹkụra Ijerusarẹmị.

Ezikẹẹrị 2:5

Aza ẹnẹẹ anaa kụ̀ụ hịrẹ ọza avọọ ẹ̀ẹ ka ẹnịị wụ́, ẹ̀ẹ ka ẹnị ẹ́ yị wụ, ẹnịnị vaa yẹ́ ka ọnịsẹ ọnyara yà ịnị ẹngụ ẹnịnị.

Imatiwu 10:11

“Ẹkụra tụra ẹkụra ọnị ụ wàa ngụ nịnị, ne sì ọza ana vaa dọ wụ nịnị ọzọga, dị ụ wa yà ịzọọ nịnị pooro dị ụ wa va hụụnị ẹkụra ọnọọ nịnị!

Imatiwu 10:13

Anineehi ọnọọ ẹ̀ẹ dọ wụ nịnị ọzọga, ẹngwọọrọ awụ nịnị ọ̀ yà pe wa. Ama ẹnịnị ẹ̀ yị dọ wụ nịnị ọzọga, dị ẹngwọọrọ awụ nịnị ọ̀ và ká wụ nịnị vẹ.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

3 Ịjọọnụ 1:14

Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi.

1 Ịsamụwẹrị 25:6

Ọ kà ẹ̀ kà a yọ ka Ohomorihi ọ̀ sị ụhwẹ ọgọdọ ọnịrị ẹngwọọrọ yọ beri aneehi anị. Ọ kà ẹ̀ rẹ kà a ka Ohomorihi ọ̀ sị ẹngwọọrọ yị avaba ịsị ọ̀ọ nyị.