Imatiwu 10:10 - IWE ỌNỊNỊ

¹⁰ Wàaa na nịnị, asị ụ za ampo nịnị! Asị ụ rẹ za awuru gụ ẹẹva nịnị, asị ụ rẹ za adava nịnị! Asị ụ hyakụ za okutẹ nịnị! Â vọrọ ka à sị ịsọyịrị yị aza ana aa mẹ̀ ụkọrọ.

Imatiwu 10:10 Iomraidhean Croise

Ịrịka 18:31

Ẹnịrị ovwoovu ẹnịnị ẹ zụ rị ọ ịzị e zee wa eyi. Utosi ụkọrọ ọnị ẹ yaa ịnị ajẹngụ anị ọ vị ọnọọ nị.

Imatiwu 10:11

“Ẹkụra tụra ẹkụra ọnị ụ wàa ngụ nịnị, ne sì ọza ana vaa dọ wụ nịnị ọzọga, dị ụ wa yà ịzọọ nịnị pooro dị ụ wa va hụụnị ẹkụra ọnọọ nịnị!

Ịmaakị 6:8

Ọ kà asị ẹ sị ịsọnyị-ịsọnyị ẹ̀ẹ yaa na, ẹ̀ yị vị okutẹ kẹnẹ; ọ rẹ ka asị ẹ sị ịsọyịrị, asị ẹ sị ampo, dị asị ẹ rẹ sị ẹkẹhị tụ́ ini oku awuru ẹnịnị.

Iruuku 3:11

Dị Ịjọọnụ tụ́ ohi, dị ọ kà a yị wa ka, “Ọza ana àa nyị awuru ẹẹva, ọ̀ sị ọnya yị ọza ẹnẹ ẹ̀ yị nyị! Ọza ana àa rẹ nyị ịsọyịrị, ọnị ọ̀ rẹ dà yị ọza ẹnẹ ẹ̀ yị nyị!”

Iruuku 9:3

Ọ kà asị ẹ sị ịsọnyị-ịsọnyị ẹ̀ẹ yaa na, ẹhụụ okutẹ ọnịrị ampo beri ịsọyịrị na vaka ẹkẹhị, asị ẹ hyakụ sị awuru gụ ẹẹva.

2 Itimoti 4:13

Wàaa vẹ, ụ sị awuru ọbanyị amị ọnị mị navọ tụ́ Itirowasị yị Ikaripọsị va mị! Rẹ kụ́ iwe amị va mị bẹẹ! Kụ́ ẹnya ọchẹrịsa ẹnẹẹ beri ọọ. Asị a nyị ka wẹ yị kụ́ ẹnya ọchẹrịsa ẹnẹẹ vẹ.

1 Ịsamụwẹrị 17:40

Di Idevidi si okutẹ anị rị ụvọ nị. Dị ọ tọ̀ọ́ ịrẹta nyọọnyọrọ ẹẹhị hụụnị okuha, dị ọ kụ́ o hi ini ampo ọnị ọ́ọ zaa zi èe sere ịsụpa nị. Ampo ọnọọ vị ana yarị ọ. Dị ọ sị ọnanta anị rị ụvọ, di ee teree pe Anihwirisiti nị.

1 Ịsamụwẹrị 9:7

Dị Ịsọọrụ tụ́ ozida ọnọọ ohi dị ọ ka ẹnị ẹ̀ẹ na ịzọọ, dị ẹnị vaa sị naa yị ọza ọnọọ? Ọ kà ịsọyịrị ẹnị ẹnị za ộ ta, ẹnị ẹ yị kụkụ nyị ịsa ana vọrọ ka ẹnị ẹ̀ sị na yị ọza Ohomorihi ọnọọ. Di o re họ̀ use ka áá nyị ịsị ẹnị kụkụ nyị nị.