Imatiwu 1:20 - IWE ỌNỊNỊ

²⁰ Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 1:20 Iomraidhean Croise

Oyinyima 31:11

Ịnị ụra ọnọọ, di anggẹẹrị Ohomorihi hị́ ọnị, dị ọnị zẹẹ nị.

Oyinyima 46:3

Di Ohomorihi ka, “Ọnị ọ̀ vị Ohomorihi ana ada Ijekọvụ hẹkẹ nị. Ọ kà ọ màa nọ Ijipiti aanị, asị o hí angwa, ka ọnị vaa mẹ ka ọ̀ vara anẹkụra ọbanyị tụ́ ịzọọ.

1 Ohinọyị 17:13

Di Erija rẹ kà a yọ dị ọ ka, “Asị u hí angwa, vẹ, dị wa na mẹ ịsị mị kà. Na sị ịnị anị dị wa sị mẹ Ịbụrẹẹdị chee, dị wa sị ọ va mị da, dị wa va na mẹ̀ ẹ ẹwụrị ozi ewu.

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ahẹ Ụgama 119:125

Ozi ahụ awụ mị vị nọ, sị ịrẹyọyẹ mị dị ma zụ yẹ ọda awụ.

Ahẹ Ụgama 143:8

Navọ maā tamayị ẹnẹnẹ-ẹnẹnẹ ka uū sì ịrẹyị ọza. Wâ yẹ ka ẹwụ mị sị ayị tụra nị. Navọ wa zụ̀ mị oze ana a vọrọ ka ma zị, agụvị ka ẹwụ m maa dá ịpẹẹ yi nị.

Ahẹ Ụgama 94:19

Ịjị ayị amị kụ́ vazi, Ohomorihi ô sị ayị amị hunẹnẹ, dị mị kụkụ aa jẹ nị.

Ụhịrẹyị 12:5

Ọnịzẹyịza vị anaā mẹ̀ ịsa ana vọrọ ama ọza ọhịmị vị ene si ka ọnị o vene ọza kẹnẹ.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ayịsaya 30:21

Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.”

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ayịsaya 7:13

Dị Ayịsaya va ka, “Ẹwụ anovwoovu Idevidi, batọ o! Ọza rị ẹyị ịrẹsụ ọ̀ọ nyị isuuru pooro dị ụ raà kụ́ ọ dụ ọ eyi nị, o yi zoza. Ama wa kụkụ raà mẹ ka Ohomorihi ana maanị nyị isuuru ọ̀ hyakụ du ọnị ịnyẹmba eyi.

Ayịsaya 7:2

Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Ijeremaya 31:22

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 40:9

Igidarịya ộ kà a yị wa ka, asị ẹnịnị hí angwa ọ̀ yị hụrẹ ẹngụ ẹnịnị ụvọ yị Anibabironi nịnị. Ọ kà ẹnịnị ẹ̀ yaatụ ịnị ẹkụra ẹnịnị dị ẹ̀ sị ịrẹsụ yị ohinọyị Ịbabịrọnị ka ọ vaa rọ̀ wa ẹngụ.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Imatiwu 1:18

Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

Imatiwu 2:12

Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 2:22

Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Imatiwu 28:5

Dị anggẹẹrị ọnọọ kà a yị anẹẹ ẹnẹẹ ka, “Asị u rè hí angwa nịnị! Mâ yẹ ka Ijeesu anaa kanyị za apavahị u wee sì nịnị nị.

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Iruuku 2:4

Ijosẹẹhụ ọnị ọ rẹ hụrẹ ẹkụra Ịnazarẹtị ịnị ẹtẹ Igariri nọ Ijudiya, dị ọ nọ ẹkụra Ịbẹtịrẹhẹmị ịzị a yà ma Idevidi ohinọyị nị. Ijosẹẹhụ ộ nọ ịzọọ, agụvị ka ini ovwoovu Idevidi ọ chị hụrẹ vẹ nị.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Ẹtore 19:7

À vẹ ya jẹ, dị ịnẹ ayị òo hine, dị yaa sị ụbanyịị yọ! agụvị ka ụmẹ o si tù oni Ozi Atẹmẹ ọnọọ aa sịị nyị ọnẹẹ; ose anị ọ sị ẹngụ tenyi tịtẹ.

Ọdọvịdị 13:3

Ẹkụhị ọnya dị ọnụtụ Ẹnẹyịmavara ọnya sị ẹngụ anị va zụ ọ, dị ọ kà yọ ka, vịdị vẹ ọbọrị ọ vị, dị ọ yị ma ozi nị. Ama o vee zyẹẹ, dị ọ ma ozi ọnọrụ.