Imatiwu 1:12 - IWE ỌNỊNỊ

¹² Ịrẹma ana a raà kụ nọ Ịbabịrọnị, Ijekoniya ộ ma Isaritiyẹrị, dị Isaritiyẹrị ma Izerubabẹrị nị.

Imatiwu 1:12 Iomraidhean Croise

2 Ohinọyị 24:14

Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini.

2 Ohinọyị 25:27

Ịnị Ịrayị ana tụ́ ọ ịrayị ohurẹẹwụ tụra ịhịmba ọnị a sị za Ijehoyakimi ohinọyị Ijuda ọrịhị, Evirimerodaki sị vị ohinọyị Ịbabịrọnị nị. Ịnị ẹkụhị ohurịhịmba ịnị ụhwẹ ẹwụrẹva anị Ijehoyakimi hụrẹ ẹ hụụnị ẹngwa nị.

1 Ịtọpa 3:17

Ohinọyị Ijehoyakimi ọnị Anibabironi nịnị za ọrịhị ọ ma ezi ẹnẹnị nị. Ezi anọrụ ịhịmba ọnị ọ ma aā hị́ Isiritiyẹrị.

Ẹzịra 3:2

Dị Ijesuwa ana vị ozi Ijozadaki ọnịrị ohirẹsụ irehi Ohomorihi ana vọ neberi Izerubabẹrị ozi Isiritiyẹrị ọnịrị aza anị tenyi ụta ịsọvọ Ohomorihi Anisirẹrị da nị. Ệ da a anka a mẹ̀ chẹrẹ tụ ịnị iwe ọda Imosiisi ana vị ọnịsẹ Ohomorihi. Ẹ vavọọ da a agụvị dị ẹ rị ịsa ịsọvọ ịra ịrẹsụ anị.

Ẹzịra 5:2

Ịjị Izerubabẹrị ozi Isiritiyẹrị ọnịrị Ijesuwa ozi Ijozadaki wụ́ enube ọnọọ, dị ẹ kụ aza ne nyima ee tenyi irehi Ohomorihii da nị. Dị ọnịsẹ Ohomorihi ẹnẹẹ jẹẹ pe wa, dị ẹ yaa gụ wa ụvọ nị.

Inehemaya 12:1

Ịrẹha ohirẹsụ irehi Ohomorihi ọnịrị Anireevi nịnị ana saasa Izerubabẹrị ozi Isiritiyẹrị ọnịrị Ijesuwa ohirẹsụ ọbanyị irehi Ohomorihi varẹma hụrị Ịbabịrọnị vẹ eehi. Ohirẹsụ irehi Ohomorihi ẹnẹẹ ẹ vị Iseraya, Ijeremaya, Ẹzịra,

Ijeremaya 22:24

 nyị ohinọyị ọnya ana aā hị́ Ijehoyakimi, ozi Ijehoyakimi ana vị ohinọyị Ijuda ọ vị nị. Ẹnẹyịmavara ộ kà a yọ ka, ọnị Ohomorihi ana yara ọ̀ọ yị yà ịzọọ, àa da ka vị ọnị ọ̀ vị ochirigege ọnị ọnị sị tụ ụvọ nị, ọnị vaa tụ ọ kwooze.

Ijeremaya 22:28

Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 22:30

Ẹnẹyịmavara kà ọnị ọ sị ọkarẹyị mẹ yị ọnọrụ ọnọnị ka avaba ezi anị vaa jị ọ ụvọ. E yị vee zee yọ. Ẹ yị nyị ịpa anị ana vanaa yaatụ ịrẹsụ aga ohinọyị Idevidi ọ̀ yị mẹ ohinọyị ẹtẹ Ijuda paa.

Ijeremaya 27:20

Ọnị Inebukadineza, ohinọyị Ịbabịrọnị navọ hi ẹtẹ, ụmẹ ọnị ọ sị va za Ijekoniya, ohinọyị Ijuda, ana vị ozi Ijehoyakimi, ụmẹ avọọ ộ rẹ za odeyi-odeyi Anijuda ọnịrị Ijerusarẹmị nịnị.

Ịhagayị 1:1

 nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị.

Ịhagayị 1:12

Ịjọnọọ Izerubabẹrị ana vi ozi Isiritiyẹrị ọnịrị Ijosuwa ozi Ijehozadaki ana vị ohirẹsụ ọbanyị irehi Ohomorihi ne beri avaba aza ana hụrị Ịbabịrọnị vẹ eehi wụ́ chire Ẹnẹyịmavara Ohomorihi ẹnịnị nị. Dị ẹ mẹ̀ ịsa ọnị Ịhagayị ọnịsẹ ka agụvị ka ẹnịnị e hí angwa Ẹnẹyịmavara ana tụ ụtụ ọnọọ hi wa.

Ịhagayị 1:14

Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị.

Ịhagayị 2:2

Dị ọ ka Ịhagayị ọ hị́ Izerubabẹrị ozi Isiritiyẹrị ana vi Ịgọvọnọ Ijuda ọnịrị Ijosuwa ozi Ijehozadaki ana vi ohirẹsụ ọbanyị irehi Ohomorihi ne beri aza ana hụrẹ Ịbabịrọnị vavẹ. Dị ọ ka Ịhagayị ọ̀ họ̀ wa ụsẹ ka,

Ịhagayị 2:23

Ẹnẹyịmavara Ochẹtẹẹngụ kà a ịhị ọnọọ ọnị vaa sị Izerubabẹrị ozi ahụ anị ana vị ozi Isiritiyẹrị jẹẹ ka ọ mẹ ịjọva tụra wa ịrẹsụ. Ọ kà ọnị ọ raà nyị ọ.

Imatiwu 1:11

Ijosaya ọ ma Ijekoniya beri ẹyịnyara anị nị; ịnị ụmẹ ọnọọ a sị kụ wa nọ Ịbabịrọnị nị.

Imatiwu 1:13

Izerubabẹrị ọ ma Abihudi, dị Abihudi ma Eriyakimi nị, dị Eriyakimi ma Azori nị.

Imatiwu 1:17

Hụụnị ụmẹ Abụrahamị va ngụ ụmẹ Idevidi vị anụmẹ ẹwụrẹna, hụụnị ụmẹ Idevidi na ngụ ụmẹ ana a sị kụ wa nọ Ịbabịrọnị rẹ vị anụmẹ ẹwụrẹna. Hụụnị ụmẹ Ịbabịrọnị na ngụ ụmẹ Ohinọyị oni Ohomorihi nyị ka ọ̀ dọ aza ha rẹ vị anụmẹ ẹwụrẹna.

Iruuku 3:27

Ijoda vị ozi Ijowananị, ana vị ozi Ireesa. Ireesa ọnị rẹ vị ozi Izerubabẹrị, ana vị ozi Isaritiyẹrị. Isaritiyẹrị ọnị vị ozi Ineeri,