Imatiwu 1:11 - IWE ỌNỊNỊ

¹¹ Ijosaya ọ ma Ijekoniya beri ẹyịnyara anị nị; ịnị ụmẹ ọnọọ a sị kụ wa nọ Ịbabịrọnị nị.

Imatiwu 1:11 Iomraidhean Croise

2 Ohinọyị 23:31

Ijowahazi vị ịrayị ohurẹẹta, dị ọ rị ohinọyị Ijuda. Ụhwẹ ẹẹta kẹnẹ ộ rị ohinọyị Ijerusarẹmị di o su nị. Ịrẹha ọnyị anị ọ rị Ihamutari ana vị ozi Ijeremaya ana vị Anẹkụra Iribina nị.

2 Ohinọyị 24:14

Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini.

2 Ohinọyị 25:11

Di Inebuzaradani ana vi ọdovịdị isoja kụ́ aza ana vọ tụ́ ịnị ẹkụra ne tụ ohinọyị Ịbabịrọnị. Ịnị ẹngụ aza ẹnịnị â nyị anụkọrọ ọnịrị aza ene zwe hụrẹ ẹkụra aa nọ Ịbabịrọnị.

2 Ịtọpa 36:10

Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.

2 Ịtọpa 36:20

Aza chee ana ha, dị a za ọrịhị nọ Ịbabịrọnị, dị ẹ ozi ahụ ohinọyị ọnịrị ezi anị pooro ne tu ụmẹ ọnị Anipesiya va sị dọ wa ịjọva nị.

Ayịsaya 13:1

Etore ịrẹyị ene vee tù Anibabironi ọnị Ohomorihi sị zụ Ayịsaya ozi Amozi yị.

Ijeremaya 27:20

Ọnị Inebukadineza, ohinọyị Ịbabịrọnị navọ hi ẹtẹ, ụmẹ ọnị ọ sị va za Ijekoniya, ohinọyị Ijuda, ana vị ozi Ijehoyakimi, ụmẹ avọọ ộ rẹ za odeyi-odeyi Anijuda ọnịrị Ijerusarẹmị nịnị.

Ijeremaya 39:9

Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Imatiwu 1:12

Ịrẹma ana a raà kụ nọ Ịbabịrọnị, Ijekoniya ộ ma Isaritiyẹrị, dị Isaritiyẹrị ma Izerubabẹrị nị.

Imatiwu 1:17

Hụụnị ụmẹ Abụrahamị va ngụ ụmẹ Idevidi vị anụmẹ ẹwụrẹna, hụụnị ụmẹ Idevidi na ngụ ụmẹ ana a sị kụ wa nọ Ịbabịrọnị rẹ vị anụmẹ ẹwụrẹna. Hụụnị ụmẹ Ịbabịrọnị na ngụ ụmẹ Ohinọyị oni Ohomorihi nyị ka ọ̀ dọ aza ha rẹ vị anụmẹ ẹwụrẹna.