Imatiwu 1:1 - IWE ỌNỊNỊ

¹ Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị

Imatiwu 1:1 Iomraidhean Croise

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 2:4

Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ,

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 5:1

Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

Ahẹ Ụgama 132:11

Wâ vịdị raà hị́ eku yị Idevidi, wẹ yị kụkụ vaa vara a vụrụ-vụrụ. Wâ kà a yọ ka irima ezi anị ọ vaa vị ohinọyịị dọ ọ ịrẹsụ nị.

Ahẹ Ụgama 89:3

Ụ ka wa raà kà a ka â nyị ịsị ụ vaa mẹẹ yị ọza ọnị ụ sị nyị, wâ vavọọ raà hị́ eku yi Idevidi ana vị ozi ahụ awụ.

Ahẹ Ụgama 89:36

Ụ ka ovwoovu anị o yi vee vú pàá. Ọnị ọ vaa vị ohinọyị pooro zịna-zịna nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 53:8

Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Imatiwu 1:18

Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

Imatiwu 1:2

Abụrahamị ọ ma Ayiziiki nị, dị Ayiziiki ma Ijekọvụ nị, dị Ijekọvụ ọnị rẹ ma Ijuda ọnịrị ẹyịnyara anị nị.

Imatiwu 15:22

 nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.”

Imatiwu 3:16

Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Imatiwu 9:27

Íjeesu mẹ̀ hụụ ịzọọ aa na, di ogweyi ẹẹva aa dụ ọ, di eyee nowu, dị ẹ ka, “Ẹwụ ozi Idevidi, aarịhịnị vayị ayị de!”

Iruuku 1:33

Ọnị ọ vaa vị ohinọyị ovwoovu Ijekọvụ pooro nị. Ohinọyị ọnị ọ vaa rị, ọ yị vaa nyị ẹzẹtẹ.”

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Odeyi 2:30

Idevidi vị ọnịsẹ, ộ yẹ ka Ohomorihi ô hyeku ka ọnya ini ezi anị ọ vaa vị ohinọyị ana vaa dọ Idevidi ịrẹsụ nị.

Aniroomi 1:3

Enube ọyịza ọnọọ vị ịrẹyị Ijeesu Ananyị yị Ikirisiti. Ozi Ohomorihi ọ vị nị. Anka ini oze ọza kẹnẹ, ozi Idevidi ọ vị nị.

Aniroomi 4:13

Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị.

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

1 Itimoti 2:5

Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.

2 Itimoti 2:8

Tamayị Ijeesu Ikirisiti ana chị hụrẹ ovwoovu Idevidi vẹ! M màa kà enube ọyịza, mị ka Ohomorihi ộ haa hụụnị isu.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.