Ijeremaya 9:7 - IWE ỌNỊNỊ

⁷ Avọọ, Ẹnẹyịmavara Ochẹtẹẹngụ ka, re, ọnị vee tenyi aza anị ka ẹ zoza hu avọọ anka a mẹẹ tenyi enyusẹ avọọ, dị ọnị ọ̀ zama wa re. Ọ kà, aza anị ẹ sị odivi mẹ, ọnị mẹ vaa mẹ wa.

Ijeremaya 9:7 Iomraidhean Croise

2 Ịsamụwẹrị 13:26

Di Abịsarọmị ka ọ̀ọ ka ọnị ọ yị nọ, ọ̀ navọ Amịnọnị adẹnyara anị ọ̀ saasa ọnị kẹ. Di ohinọyị rẹ ka sị ọnịrị ọ aa zị naa mẹ?

2 Ịtọpa 36:15

Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ.

Ahẹ Ụgama 120:4

Ọpa isoja ana rẹ́ o ve sii che wu nịnị nị, dị ahịka ịra gogogo ọ kà pè wu nịnị nị.

Ahẹ Ụgama 55:22

Ịrẹyị ene èe tù wu, ụ sị chire Ẹnẹyịmavara ụvọ, ka ọ vaa sị ụvọọ za wụ Ohomorihi ọ yị vaa zẹẹ ka aza ana aa mẹ ịzẹyịza ẹ̀ hyẹdụ.

Ahẹ Ụgama 62:5

Ohomorihi kẹnẹ mi che ayị za nị, ọnị m maa tụra eyi nị.

Ayịsaya 1:25

Ọ kà ụvọ anị vaa za wụ nịnị, dị ọnị ọ̀ hara ẹ̀vụ̀vụ̀ awụ nịnị ha.

Ayịsaya 48:10

Ẹnẹyịmavara kà ọnị ộ sị ẹngụkata zama wa re anka aā mẹẹ sị ịra akẹnẹ zama isiriva re avọọ. Ama ọnị ore ka ẹ yị nyị ịsị ẹ vị.

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ijeremaya 6:27

Ộ hị́ Ijeremaya ka, ọ̀ zama aza anị re anka a mẹẹ zama enyusẹ re avọọ, dị ọ̀ yẹ ẹngụ aza ẹnẹ vị.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịmarakayị 3:3

Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

1Ipita 4:12

Ẹwụ nịnị ẹyịnyara amị, asị o hí wu nịnị eyi agụvị ụyọrị ẹbanyị-ẹbanyị ene ee tù wu nịnị, dị aa zama wụ nịnịị re. Asị ụ re e ịrẹyị ọzọga nịnị.