Ijeremaya 9:5 - IWE ỌNỊNỊ

⁵ Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Ijeremaya 9:5 Iomraidhean Croise

Oyinyima 19:11

Dị ẹ mẹ ka aza ana gụ enoze è gu eyi nị. Ezweyi ne chire azọkụ ẹ vavọọ gu eyi nị. Ê si ụvọ sì oze pooro e yi re e.

Ijoovu 11:3

Óó ro ka ịrẹkọkụ anị ọ zụ ọza irenu kwoku nị. Ọ̀ọ sị ẹnị mẹ enyinyi, ẹnị aa tụ ọ ohuvọ nị.

Ijoovu 15:5

Ịrẹyị irenu anị aa sị ebira odivi anị zụ. Vị a sẹ̀ ịrẹkarenu da ọbọ dọ ẹngụ anị tụ kẹnẹ nị.

Ahẹ Ụgama 140:3

Ịrẹyị irenu ẹnịnị ọ zụ wụ̀ ọza anka ẹ́wụ́ odivi avọọ. Vị ịrẹyị ẹnẹ ẹẹ̄ kà sị mẹẹ ẹchịpa ẹwụ odivi avọọ ịnị ẹngụ ọza nị.

Ahẹ Ụgama 50:19

Waa kà ịrẹyị odivi, di u ree vene ọza nịnị nị.

Ahẹ Ụgama 52:3

Ebira odivi kẹnẹ u sì ịrẹyị anị nị we yi sì ịrẹyị ebira ọyịza Avọọ u mè ree sì ka wee cheeche nị we mē sì ka waa kà ịzẹyịza.

Ahẹ Ụgama 64:3

Aza ẹnẹẹ ệ nyị ịrarẹ ẹnẹmẹhị ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.

Ahẹ Ụgama 7:14

Aza ẹhịmị vi ene eē ro ịrẹyị odivi. Ẹnịnị vị ene ẹẹ̄ sì ẹ mẹmẹẹ kụ́ ẹngụkataa vẹ, di ẹ re yee vene ọza.

Ụhịrẹyị 12:5

Ọnịzẹyịza vị anaā mẹ̀ ịsa ana vọrọ ama ọza ọhịmị vị ene si ka ọnị o vene ọza kẹnẹ.

Ụhịrẹyị 4:16

Aza ọhịmị ẹ mā zụ sụ ara ẹ vị ẹ mẹ̀ ịsa odivi. Ẹnịnị vị anaā jị areyi agụvị dị ẹ kụ odivi tu ọza.

Ayịsaya 5:18

Wa sị dà nịnị ẹwụ nịnị eni kune ẹnya ebira odivi, di u si obo evene ọnịrị ayịchama tụ́ ọ di wee sii tura a nịnị.

Ayịsaya 57:10

Ộ ta chi wu nịnị ẹngụ u mee sì orii zị nịnị, ama wẹ yị kà a ka ọ sị wụ nịnị tụ́. Wê ro ka ori ẹhịmị awụ nịnị ẹnẹnị aa sị ụkataa wụ nịnị, agụvị avọọ ẹ́ẹ́ yị ngụ wụ nịnị ẹngụ nị.

Ijeremaya 12:13

Ẹnẹyịmavara kà, aza anị ê chire akụ ama dị a hi ka ebe ẹ́ kụ gụ nị. Ẹnịnị ệ mẹ̀ ụkọrọ ẹtẹẹtẹrẹ ama ẹ yị nyị ịsị e re hụụnị anị. Ịsị ịnị aarẹ ẹnịnị ẹ yị mẹ agụvị ka ọnị aa kụ ayịị hi wa.

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ijeremaya 51:64

Dị ọ̀ kà aka, aanị ọ́ mẹ vaa yàa yị Ịbabịrọnị nị. O vee chì dị ẹ yị ma vana kwẹẹtẹ hịrẹ vẹ, agụvị ka Ẹnẹyịmavara ee vee vu ọ ẹtẹ. Ẹhwị ịrẹyị ọnị Ijeremaya ka yị o.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:8

Ịrẹyị irenu ẹnịnị vị ana sị mẹẹ anka ọpa anaā wụ̀ ọza. Ẹngwọọrọ-ẹngwọọrọ ọzọza e sii pe ọnọhụva anị kà ịrẹyị nị, ama ịrẹyị odivi vị ẹnẹ sị tụ ịnị ịnẹ ee be e.

Ezikẹẹrị 24:12

Ẹnẹyịmavara kà ọnị ộ sị vụrị pooro ka ọnị hara ịdọtị ene kurẹ zaa ha, avaba anị yị vị osusu, ị́dọtị ene kurẹ za a mẹ rata, ịra ẹ́ yị hyakụ zụ hụ ọ ha.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Imika 6:3

“Ọ kà ẹwụ nịnị aza amị, sị mị mẹ̀ wụ nịnị kẹ? Sị mị mẹ̀ ene du wu nini eyi? Tụ́ mị ohi nini.

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.

Ịmarakayị 2:10

Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị?

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

1 Itimoti 4:2

Dị eyee cheeche, dị ẹyaa mẹ ogevegeve. Dị ayị ẹnịnị ẹ yị hyakụ kụkụ jị pèe, dị ọ sị mẹẹ ka vị a raà sị enyusẹ ịrịịra tụra ayị ẹnịnị, dị a sị ọọ wụ nị.

Ọdọvịdị 2:10

Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.