Ijeremaya 9:3 - IWE ỌNỊNỊ

³ Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:3 Iomraidhean Croise

Oyinyima 39:16

Di ose Ipotihwa sị achị ọnọọ tịtẹ pè ẹngụ ee zi ọva anị ka ọ̀ vẹ ini eehi nị.

Ụhịrẹyị 12:5

Ọnịzẹyịza vị anaā mẹ̀ ịsa ana vọrọ ama ọza ọhịmị vị ene si ka ọnị o vene ọza kẹnẹ.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 3:5

Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ayịsaya 9:18

Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị.

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 22:16

Ộ ngụ ayị onosiye nịnị, dị ẹhẹ anị zoza yọ nị. Ịsị ẹ sịị zụ ka ọza ọ yẹ Ẹnẹyịmavara ọ vị ọnọọ nị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 5:4

Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Ijeremaya 5:5

Avọọ ọnị ee ne tu ọdọvịdị ẹnịnị dị ọnị ò pe wa ka ịrẹyị. Ịzẹyịza ẹnịnị ẹẹ yẹ ịsị Ẹnẹyịmavara Ohomorihi ee si ka ẹnịnị ọ̀ mẹ. Ama avaba ẹnịnị ẹ ka ẹnị ẹ yị dọ ka Ẹnẹyịmavara ọ nyị ọda ẹnịnị nị. Ee yi ka ẹnị ẹ yị wụ́ chire e.

Ijeremaya 6:28

Avaba ẹnịnị vị ana nyị ayị ọkatẹngụ; vị ẹẹ kụụ hịrẹ ọza nị. Ẹnịnị ẹẹ katẹngụ huni enyusẹ. Ẹ kụ vụ, vị ẹnịnị kụ ọza ịrẹkaa zị nị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Ijeremaya 9:8

Ịrẹyị irenu ẹnịnị vị ana sị mẹẹ anka ọpa anaā wụ̀ ọza. Ẹngwọọrọ-ẹngwọọrọ ọzọza e sii pe ọnọhụva anị kà ịrẹyị nị, ama ịrẹyị odivi vị ẹnẹ sị tụ ịnị ịnẹ ee be e.

Ezikẹẹrị 8:13

Di Ẹnẹyịmavara rẹ kà a yị ọnị ka, ọnị vee re ịsị aa nyị ọnị ịhyẹrẹ ene huna ọsọnị ọnị ẹyaa mẹ.

Ịdanịyẹrị 11:27

Ohinọyị ẹyịva ẹnẹẹ vaa yaatụ rị ịsa aha ọnya ama ịrẹyị odivi obobooro vị ẹnẹ sị tụ ịnị ayị. Ẹnịnị vị ene vee cheeche yị ẹngụ. Ịsị e yèe si ẹ yị vee tu wa ụvọ agụvị ka ụmẹ ọnị Ohomorihi jị yị wa ẹ yị tu.

Ireevi 19:11

Ọ kà à sị ẹnịnị yi oyi. À sị ẹ mẹ ọza rị; dị à sị é re cheeche yị ẹngụ.

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Odeyi 24:9

Dị Aniju nịnị dọ ọ ivenu ka ịzẹyịza avaba ịsa ọnọọ kà vị nị.

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Aniroomi 3:13

Irenu ẹnịnị ọ zụ wụ̀ ọza. Dị ẹyaa sị ịrarẹ ẹnịnịị vene ọza. Ịrẹyị irenu ẹnịnị ọ́ọ rẹ anka ẹchịpa ibe avọọ.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

Anihwiripi 1:28

Asị u hí angwa ọnịvị awụ nịnị vụrụ-vụrụ. Ọnọọ vaa sị zụ̀ wa ka ẹnịnị vee vu ẹtẹ, ama ẹwụ nịnị vaa nyị ehuna, ọnịrị ka Ohomorihi ọ yà ịrẹma awụ nịnị nị.

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ọdọvịdị 14:17

Avọọ ọ mẹ jị òrèrè hi Ịsamịsịnị ẹngụ pooro mẹ ẹkụhị ịhịmba ẹnị ẹ sị a mẹ inohine nị. Agụvị ka ộ vavọọ kụ ọ hana a, ịhyẹgwịhịmba anị, dị Ịsamịsịnị ka iruvo ụhị ọnọọ zụ ọ nị. Ịjị ọ sị ọ ka zụ ọ, dị ọ na ka a zụ aza anị nị.

Ọdọvịdị 2:10

Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.