Ijeremaya 9:10 - IWE ỌNỊNỊ

¹⁰ Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Ijeremaya 9:10 Iomraidhean Croise

Ayịsaya 41:15

Ẹnẹyịmavara kà ọnị vaa mẹ̀ ẹ anka arubebe ọwọọwa eneē sii tu ayị avọọ. Avaba ataba vị ọnị ọ vaa kwọrọ zẹtẹ, di o du ọ ha; otutu vị ọnị ọ vaa kwọ, dị ọ vara a edudu;

Ayịsaya 49:19

Ijerusarẹmị ô sị du. Ẹ yị nyị ịsị ẹ vọ. Ama e vee tenyi ọ dà, dị aza hi ọ. Ọnịvị ẹnịnị ene divi sị huu da zị ana na.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 12:11

Ẹnịnị ẹ sị ọ vara ụnọmị tịtẹ ọvịdị anị. Avaba ẹkụra ọyịvụrụ ọ sị vara ụnọmị. Ẹ yị jị ọza ọnyọọnyị areyi.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Ijeremaya 14:6

Ịkẹrịkẹtẹ jẹẹ ịrẹsụ ataba aa tụ kẹẹkẹ anka irezi avọọ. Ẹnịnị e yi kuku re ẹtẹ ẹtẹẹrẹ agụvị ka ẹnịnị e re ịsa rị.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Arụwẹ 5:18

agụvị ka ataba Ịzayọnị ọ sị tụ́ osusu, dị ahịka irezi ịnị avị ẹ kụkụ aa woowo ngụ ịnị anị zị nị.

Ezikẹẹrị 14:15

Ọnị ọ̀ọ va tụ uye odivi na ngụ ẹkụra ọnọọ ka ẹẹ wụ̀ azaa ha, dị ẹkụra ọnọọ ta divi, dị ẹ̀ yị nyị ọza ana kụkụ aa zị avọọ paraahu nị.

Ezikẹẹrị 27:2

Ozi-ọza, ọnị ọ̀ hụ̀ agụvị Anitaya nịnị jị òrèrè daare.

Ezikẹẹrị 29:11

Ẹ́ yị ma vana nyị ọza à vị ịsụpa anaa vanaa zị avọọ paraahu, ọ́ vaa mẹ ịrayị ẹbẹẹva, ẹ́ yị nyị ịsị ẹẹ vanaa ra ịzọọ.

Ezikẹẹrị 33:28

Ọ kà ọnị vaa tu Ijerusarẹmị osusu saka-saka, dị ọnị dọ wa ụkata ọnị eyee sii wùu zị avọọ. Ataba ene hi Isirẹrị vee hí avị, ana ahịka ọza ẹ́ yị ma vana nyayịnẹ zị avọọ para hu.

Ezikẹẹrị 6:6

Avaba ẹkụra ene hi ẹtẹ Isirẹrị ọnịrị avaba aha ẹnẹ ẹyaa mẹ ori vị ene e vee vú ẹtẹ. Avaba ụta ọnị Ụ mẹ ịsọvọ ịnị anị nịnị ọnịrị ụta ọnị ụ rị eturare ịra ịnị anị nịnị vị ana a vaa garaa ha. Ori awụ nịnị vị ana a va chakaa vaaha, dị avaba ịsị ọnị ụ mẹ jẹẹ nịnị ta samị-samị.

Ihoseya 4:3

Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:19

Dị Ijowẹrị na owu na za Ẹnẹyịmavara ka avaba avị ọnịrị ọchị ẹ sị wụ̀ za ẹtẹ anka ọrịra ò rere rị ịsa avọọ.

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Emọsị 5:16

Ananyị yi Ẹnẹyịmavara ọ ka yị wa, ẹ vaa wụ́ owu ọnịrị ùnè ịnị avaba ụpatẹsị ọnịrị inorere ẹnịnị. Avaba ọgẹrẹva ẹnịnị ẹ sụ ùnè, dị ẹ dọ aza ene beri wa jị òrèrè

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.