Ijeremaya 8:9 - IWE ỌNỊNỊ

⁹ Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ijeremaya 8:9 Iomraidhean Croise

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

Ijoovu 5:12

Ohomorihi oō du eto aza ana mẹ ọbọ hi wa ụvọ dị asị ẹ zụ mẹ ịsị ọnị e yee si nị.

Ijoovu 5:13

Ọnị ọọ̄ za aza ana da ọbọ ene ro ka eyi ẹnịnị e hweyi, dị ọ kụ wa uruvo hi ẹhẹ.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ayịsaya 19:11

Ọdọvịdị Anizowanị nịnị vị ọnụra. Ọyẹrẹyị ene ee pè Ihwarawo juwe vi ontutu sị ụ zụ sị kà a yị Ihwarawo ka ẹwa rẹ yẹ ịrẹyị? Ụ mẹmẹ zụ kà a ka ini ogu aza ana yẹ ịsa ịyẹẹyẹ ana aā dụ ohinọyị zị ụ yà nị?

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 43:27

Ohiku awụ nịnị ịpaapa ọ rị ịvị amị, dị ọdọvịdị awụ nịnị ẹnị rẹ mẹ̀ ebira odivi hi mi nị.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 19:7

Avaba eyi ọnị Anijuda nịnị ọnịrị Anijerusarẹmị nịnị aa gẹ vị ọnị ọnị vaa gara hi wa ụvọ ịzẹnaanị. Ọ kà, ọnị vaa navọ ka ọnịvị ẹnịnị e huna wa eyi ịrẹkụ dị ẹ wụ̀ wa ha. Oku ẹnịnị vị ọnị ọnị vaa sị mẹ̀ ịsọyịrị yị inomi ọnịrị uye ịnị avị nịnị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Iwe Ọhụhị Imosiisi ana aa hị́ Ọyịvatụrọda 4:6

Ẹnịnị mẹmẹ sị ịzẹyịza saasa a ọ̀ vaa sị zụ anẹkụra ana vọ ka ẹnịnị ẹ yẹ ịrẹyị nị. Anẹkụra ẹnẹnị ẹ̀ wụ́ ịrẹyị ọda, dị ẹ yaa ga wa ka ẹ̀ nyị ịrẹyọyẹ ẹnẹmẹhị.

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.