Ijeremaya 8:7 - IWE ỌNỊNỊ

⁷ Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Ijeremaya 8:7 Iomraidhean Croise

Ahẹ Isoromọnị 2:12

Ododo e si nyima aa ha; o si tu ụmẹ ka aa jị ahẹ. Aza aa wụ́ arivadi nịnị maa jị ahẹ ịnị aarẹ.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ayịsaya 5:12

Ịzị ẹ yà ee hú eche dị ẹ yaa mẹrị vị ẹnẹ ẹ kụ́ ọkangga irenyi-irenyi ọnịrị okokoro hi. Ịjị ẹ maanị sị ngụ ịnị ẹsẹnị aa mẹ, ẹnịnị ẹ yị yẹ ịsa Ẹnẹyịmavara aa mẹ, ẹ yị nyị ịzị ịsa ẹnẹ Ẹnẹyịmavara aa mẹ gẹ wa.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ihabaku 1:4

Ịzẹyịza ọ ta hụrẹ ẹtẹ. Aza ọhịmị ẹ kụkụ aa nyị ẹbẹẹba aza ọyịza nị. Aza ẹ yị kụkụ saasa ọda Ẹnẹyịmavara. Ọzọza vị ana mẹ̀ ịsa ene zee eyi kẹnẹ.

Ịzakaraya 5:9

Ịjọnọọ, dị Ịzakaraya kụ̀ra eyi hịrẹ tụ ẹba, di o re anyẹnẹẹ ẹẹva ene hira ka a na nị. Avaka ẹnịnị vị ana nyị ụkata anka avaka igongo avọọ. Ẹnịnị ẹ sị uji ọnọọ di e hira aa na nị.