Ijeremaya 8:6 - IWE ỌNỊNỊ

⁶ Ẹnẹyịmavara kà ọnị ộ si ụtọ pe ẹtẹ ẹtẹẹtẹrẹ, ama wẹ yị kà ịzẹyịza nịnị. Ẹ yị nyị ọza ịnị ẹngụ awụ nịnị ene ro ịnẹ varẹma hụụnị ebira odivi anị. Ẹ yị nyị ọza ana kà a ka sị ọnị vana mẹ aanị da. Ọzọza vanaa zị oze anị anka umaata anaa nọ ịrẹkụ avọọ.

Ijeremaya 8:6 Iomraidhean Croise

Ijoovu 10:2

Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ?

Ijoovu 34:31

Ijoovu, wáá ra dọ irenu ịvị awụ yị Ohomorihi, di u we wo oto ka wẹ yị vana mẹ̀ ịvị.

Ijoovu 34:32

Wáá ra họ̀ Ohomorihi ka ọ sị zụ́ wụ ịzị ụ ya ee nyeeyi? Wáá sị dọ ka wa hụụnị ebira odivi.

Ahẹ Ụgama 14:2

Ẹnẹyịmavara ộ yà ẹbẹẹba dị ọ kana eyi chi vẹ ve re aza nị Ộ kana eyi ka ọnị ò re, àa daba nyị ọza ana yẹ ịrẹyị ene ee ro ịrẹyị Ohomorihi.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

Ayịsaya 59:16

Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị.

Ijeremaya 23:25

Ẹnẹyịmavara kà, ọnị ộ wụ ịsị ọnịsẹ nịnị anaa sị ịrẹha anịị cheeche ka vị ẹnị aa kà ịsẹ anị nị aa kà. Ẹnịnị ka ọnị ô tụ́ ẹnị ụtụ ịnị ụra ọnị ẹnị ra.

Ijeremaya 3:5

Ịzẹyịza ọnị ẹ yị vaa maanị du ayịị hi u nịnị agụvị ịrẹyị kiiki; ọnị vee hi ayị anị. Avọọ wụ mẹ vaa kà, dị waa yịị mẹ̀ avaba ebira odivi ụmẹzụ-ụmẹzụ nịnị.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ezikẹẹrị 18:28

Ka ộ zama ẹhẹ anị re, dị ọ và hụụnị ebira ọnị ọnị aa mẹ, ịzẹyịza, ọ vaa yara. É yị vee sú.

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ịzẹhwanaya 3:7

Ẹnẹyịmavara kà ọnị ô ro kà ịrẹyị ene tù wa aanị vaa zụ wa ịrẹyọyẹ, dị ẹ nyị angwahi anị, dị ẹ wụ́ ịrẹyị ọnị ọnị ọ ka yị wa. Ama dị ahịka ẹnịnị aa da ụvọ tụ ịnị ụvọ ịnị ebira odivi huna avọọ nị.

Ịhagayị 1:5

Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịhagayị 1:7

Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị.

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

Ẹtore 9:20

Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.