Ijeremaya 8:5 - IWE ỌNỊNỊ

⁵ Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 8:5 Iomraidhean Croise

Ụhịrẹyị 4:13

Sị ụvọ za ịrẹyị ana a ka yị wụ. Ịrẹyọyẹ ọza sị mẹ̀ ẹhẹ nị.

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ayịsaya 30:10

Ẹ ka asị ọnịsẹ nịnị rè kuku re ẹtẹ ẹ̀ ka yị ẹnị. Ẹ ka asị ẹ rè kà a yi ẹnị ka ịsa ana vọrọ ka àa mẹ yị. Ẹ ka ọnịsẹ nịnị èe cheeche ene hinee yị ẹnị kẹnẹ.

Ayịsaya 44:20

Vị́ ọ kụkụ sị mẹẹ anka ọza anaa rị atịtọ avọọ nị. Ịrẹyị ụrụụra ẹnẹẹ ro ọ́ raa mẹ̀ ẹ nyeeyi. Ẹ yị zụ dọ ẹngụ anị tụ. Ẹ yị zụ họ̀ ẹngụ anị ka, “ẹ yị vị evene kẹnẹ ori ọnị mị sị rị ụvọ ụvọrị aanị vị?”

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 3:5

Ịzẹyịza ọnị ẹ yị vaa maanị du ayịị hi u nịnị agụvị ịrẹyị kiiki; ọnị vee hi ayị anị. Avọọ wụ mẹ vaa kà, dị waa yịị mẹ̀ avaba ebira odivi ụmẹzụ-ụmẹzụ nịnị.

Ijeremaya 5:27

Anka ozube mẹẹ hara inomi hi ịnị abọ (ajivogidi) avọọ, avọọ ẹ mẹ sị ebira odivi hara ogu hi ịnị eehi ẹnịnị, dị ẹ ta vara aza ẹbanyị nị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ihoseya 11:5

Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ẹtore 2:25

Ama ịsị ụ wàa nyị, sị ụvọ geri-geri pooro dị ma vẹ.