Ijeremaya 8:3 - IWE ỌNỊNỊ

³ Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Ijeremaya 8:3 Iomraidhean Croise

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 23:8

Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 29:28

Ụ ka aa nyị ka a za a irenu kwoku, agụvị ka ộ kà a yị aza ana a za ọrịhị ne hi Ịbabịrọnị ka ẹnịnị vee kù ịzọọ, agụvị avọọ ẹnịnị ẹ̀ dà irehi hi ịzọọ dị ẹ̀ ra ịnị anị, ẹnịnị ẹ̀ dà aarẹ hi ịzọọ dị ẹẹ rị ịsị ịnị aarẹ ẹnịnị.

Ijeremaya 40:12

Dị ẹnịnị hụụ ịzị ẹ zwe ne hi, dị ẹ́ vavẹ Ijuda nị. Ẹnịnị ệ kụ ẹngụ ve tu Igidarịya Imizipa, dị ẹnịnị hàrà eche ọnịrị ẹtụtụ gụ tatarata nị.

Ijeremaya 44:2

Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 6:9

Ijeremaya ka, Ẹnẹyịmavara Ochẹtẹẹngụ ô kà a yị ọnị ka, ọnịvị ẹnịnị vaa hụ́ azaa hụrị Ijerusarẹmị saka-saka anka ụbazị ana a tọ̀ọ́ avaba ẹtụtụ ọchị anị avọọ. Ọ kà ẹ̀ varẹma và tụra a anka aza anaa tọ̀ ọ ẹtụtụ ọchị avọọ.

Ịdanịyẹrị 9:7

Dị ọnị rẹ kà a yị Ananyị yị ka ọnị ọọ̄ mẹ̀ ịsa ana vọrọ nị ẹnị vanaā mẹ̀ ụhị nyị ẹngụ nịnị pooro kẹnẹ. Avọọ ọ mẹ yà yị avaba ẹnịnị ene hi Ijudiya ọnịrị Ijerusarẹmị beri avaba ẹnị Anisirẹrị ana Ananyị yị dụ ne hi ẹkụra irenyi-irenyi agụvị ka ẹnịnị ệ yị mẹ ịzẹyịza hi ọ nị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Imika 2:3

Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị.

Iwe Ọhụhị Imosiisi ana aa hị́ Ọyịvatụrọda 30:1

Imosiisi ô ka yị Anisirẹrị nịnị ka, ọnị aa sị oze yị wa ẹ́ nyị ịnị ịsa oze ẹẹva; ọyịza ọnị Ẹnẹyịmavara vaa mẹ yị wa, a vị ụya ọnị ọ vaa sị rị wa ẹnịnị èe yi ọ tịtẹ. Ịjị ịrẹyị ọnọnị aa va mẹ tu wa, ẹnịnị vị ana vaa ra ẹkụra irenyi-irenyi ịzị Ẹnẹyịmavara Ohomorihi ẹnịnị vaa ga wa hi. Ịjọnọọ ẹnịnị vaa tamayị ka ọnị ò si oze yị wa ka ẹ nyị ịsị ẹnịnị ee sị nị.

Iwe Ọhụhị Imosiisi ana aa hị́ Ọyịvatụrọda 30:4

Ẹnịnị ẹ daka ne hi ẹtaha ẹhẹ, Ẹnẹyịmavara Ohomorihi ẹnịnị vaa kụ́ wa gụ, dị ọ kụ́ wa varẹma vavẹ eehi.

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

Ẹtore 9:6

Aza vee sì isu ụmẹ ọnọọ di e yi re e; aza vaa vá ụva ka ẹnị è sú, ama isu vee zwee kanaa yị wa.