Ijeremaya 8:2 - IWE ỌNỊNỊ

² A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ijeremaya 8:2 Iomraidhean Croise

2 Ohinọyị 17:16

Ẹnịnị ệ jịnẹ avaba ọda Ẹnẹyịmavara Ohomorihi ẹnịnị, dị enyusẹ mẹ ezi imaaru ẹẹva ẹnẹ ẹyaa hẹkẹ nị. Ệ rẹ mẹ uyi ori ọnẹẹ ana aā hị́ Asẹra, ệ hẹkẹ ụzọmị nịnị ọnịrị ori ana aā hị́ Ịbaarị.

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

2 Ohinọyị 21:5

Ịmanasẹ ô hi ụta ịzị aa hẹkẹ ụzọmị tụ́ ịnị ohweje ẹyịva irehi Ẹnẹyịmavara.

2 Ohinọyị 23:5

Dị ọ dụ ọnụtụ ori nini ọnị ohinọyị nyị ka ẹẹ mẹ̀ ịsọvọ aha ori ịrẹsụ ataba irenyi-irenyi ini avaba ẹkụra ene hi Ijuda ọnịrị ẹnị ene hi Ijerusarẹmị ana aa rị eturare ịra hi Ịbaarị, ọyị, ọnịrị ne beri ụzọmị nịnị.

Ahẹ Ụgama 53:5

Ama Ohomorihi vee chire wa angwa ana ahịka ẹnịnị eè yi re da Aza ana àa kwẹẹtẹ tù aza Ohomorihi, Ohomorihi vị ana vaa tana ụvọọ za aza ẹnẹẹ Aza Ohomorihi ọ vaa nyị ehuna aza ẹnẹẹ nị, agụvị ka Ohomorihi ọ sị aza ẹnẹẹ yi tịtẹ.

Ahẹ Ụgama 83:10

Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ, dị ẹ vara itutu tụ́ ini eteesu ịzọọ nị.

Ahẹ Ụgama 83:11

Navọ ahịka ịsị e tù Orebi ọnịrị Izeebi ne beri Ịzẹba ọnịrị Izarimuna o tù ọdọvịdị aza ẹnẹẹ nị

Ịrẹyị Ọzwọzịsa 6:3

Ọza ọ zụ ma ozi ẹchẹẹhị dị ọ ku orubo ẹtẹẹtẹrẹ, ama ẹ yị rẹ va nyẹngụ sị ogu ọnị ọ nyị mẹ ayohine ịnị ẹhẹ, ozi ene su tụ ịnị ịnẹ ọnyị anị dị a vaa ma a ọ dahi hu ọza ọnọọ nị.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 16:11

Ịjọnọọ dị Ijeremaya ọ̀ kà a yị wa ka, Ẹnẹyịmavara kà, ohiku ẹnịnị ệ va ịrẹma anị naa hẹkẹ ori nịnị, dị ẹyaa kụ ụ yị wa nị. Ẹnịnị ệ và ịrẹma anị saka-saka ẹ́ yị saasa ọda nị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 22:19

Ọ kà, vị a vaa mẹ oku anị a mẹẹ mẹ oku ịkẹrịkẹtẹ avọọ nị. Vi e vee tụra oku anị ẹtẹ dị e ne e na tụ ịrẹma Ijerusarẹmị nị.

Ijeremaya 25:33

Ịhị ẹkụhị ọnọọ oo tu, oku aza ọnị Ẹnẹyịmavara wụ vị ana a vaa gara hi avaba ịrẹsụ ẹtẹ, ọza ẹ yị vaa zị ẹngụ ẹnịnị, ọza ẹ yị vaa kụ wa nee ne. Oku ẹnịnị vi ene vee hi ẹtẹ anka ịhyẹrẹ ịsụpa avọọ ịnị eteesu.

Ijeremaya 31:40

Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ijeremaya 36:30

Avọọ, Ẹnẹyịmavara kà ọnị aa kà a yị ẹwụ ohinọyị Ijehoyakimi booro anị ka, ẹ́ yị ma vana nyị evere awụ anaa vanaa yaatụ ịrẹsụ aga ohinọyị Idevidii mẹ ohinọyị. Oku awụ vị ene e vee nee ta tụ ịzị ọyị vaa haa ku ọ ọọdụ, dị eguhi ee chire ku ọ ịrahụ.

Ijeremaya 9:20

Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Ijeremaya 9:22

Ọ kà Ẹnẹyịmavara kà ọnị ọ̀ ka a ka: aza vị ene vee su vaa gwẹtẹ anka ịhyẹrẹ ịsụpa ana a na va hi ịnị aarẹ avọọ. Vị e vee hi ẹtẹ anka akụ ana jị aza anaa mẹ ịsị ịnị aarẹ ụvọ, ọnị ọza ee re ọza kụ gụ avọọ nị.

Ezikẹẹrị 29:5

Ọnị vee ne ẹwụrị ivovo ẹnẹẹ naa ngụ ịnị ụnọmị. Oku awụ vị ana vaa tịtẹ, dị ọza é yi ne wu. Inomi ẹnịrị uye ịnị avị nịnị ẹ vaa rị oku awụ nị.

Ezikẹẹrị 39:5

Ẹnẹyịmavara Ochẹtẹẹngụ kà ịnị avị e vee súu hi nị.

Ezikẹẹrị 6:5

Ọ kà oku Anisirẹrị nịnị vị ọnị ọnị vaa kụụ hi ẹtẹ ọvịdị ori ẹnịnị, dị ọnị gara ẹchụkụ ẹnịnị kara ụta ori ẹnịnị.

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.

Ịzẹhwanaya 1:17

Ẹnẹyịmavara kà ọnị vaa kụ ọ hana wa, dị ẹnịnị ẹ yị yẹ oze ana vọrọ ka ẹ zị anka ogweyi avọọ. Agụvị ebira odivi ọnị ẹ mẹ̀ hi Ẹnẹyịmavara, a vaa wụ̀ wa dị anya ẹnịnị ee sii vaa ha anka enyi avọọ, dị oku ẹnịnị vụ và hí ẹtẹ anka ịhyẹrẹ avọọ.

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Odeyi 7:42

Ohomorihi ộ vaa ịrẹma ẹnịnị, dị ọ navọ wa ka ẹẹ hẹkẹ ụzọmị ẹbẹẹba, anka a mẹ̀ chẹrẹ ẹ tụ́ ini iwe ọnịsẹ nịnị ka.” Ẹwụ nịnị Anisirẹrị, ẹ yị vị ẹmị ụ waa wụ̀ uyee mẹ ịsọvọọ hi nịnị hụrẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 17:3

naa hẹkẹ ori, a vị ọyị, a vị ụhwẹ, a vị ụzọmị nịnị nị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.