Ijeremaya 8:12 - IWE ỌNỊNỊ

¹² Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 8:12 Iomraidhean Croise

Oyinyima 19:34

Eyinẹhẹ anị, dị ana vị ọzọkụ rẹ kà a yị ana vị ozweyi dị ọ ka: ọ̀ọ yẹ ka ọnịrị ada anị ọ sụ ẹẹrị nị. Ọ̀ vẹ dị ẹnị ẹ̀ rẹ kà a eche ịrahụ ajịnị, dị ọnịrị ọ ọ̀ rẹ sụ, dị ẹnị ẹ zụ nyị ọza ana vaa dọ ẹnị ịrẹsụ.

Ahẹ Ụgama 52:1

Sị ẹ vẹ dị waa sị ebira odivi wo oto ẹwụ ene ro ka wâ nyị ụkata? Sị ẹ vẹ dị ụ maanị ee wo oto pooro wáá yẹ ka wa sị tẹ ini eyi Ohomorihi?

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

Ayịsaya 24:2

Ịngọ ọnya ọ vaa sị aza avaba aza ọnị maa hị́ aanị nị. Ohirẹsụ irehi Ohomorihi ọnịrị aza ana vọ, ọga ọnịrị ozi ahụ, ọza ana aa ná ịsa ọnịrị ọza ana aa hị́ ịsa ne bari ọza ana rị ụta ọnịrị ọza ana a rị ụta.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 14:15

Ẹnẹyịmavara kà, ọnị aa ka ịsị ọnị vaa mẹ ọnịsẹ ẹnẹẹ ọnị ọnị ẹ yị tụ ụtụ ama dị ẹ naa ka a zị ka ịrẹkụ ẹ yị vaa ngụ ẹkụra; ụngwẹ ẹ yị rẹ vaa ngụ ịzọọ bẹẹ. Eyi ịrẹkụ ọnị vaa wụ̀ wa, dị ọnị sị ụngwẹ wụ̀ ẹnị ana vọ nị.

Ijeremaya 23:12

Ọ kà agụvị avọọ, oze ẹnẹ ẹyaa vaa tụra vị ana vaa swa wa ọsịrị. A vaa dụ wa ngụ ịrahụ, dị ẹ sẹ ẹdụ va hi ẹtẹ. Ẹnẹyịmavara kà ọnị vaa kụ ẹngụkata odivi tù wa, ịjị ụmẹ ẹnẹ ẹ vaa sị rị ụya oo tu.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 44:10

Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 6:21

Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Ezikẹẹrị 23:18

Ịrẹkọyịsẹ anị vị anaa sẹ̀ chapaa, dị ọzọza re ahwaahụ anị. Ịrẹyị anị ô du ọnị eyi anka ịrẹyị ọyịnyara anị me du ọnị eyi.

Ihoseya 5:9

Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.