Ijeremaya 8:10 - IWE ỌNỊNỊ

¹⁰ Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 8:10 Iomraidhean Croise

Ijoovu 31:10

ọzọga ọnị ọ rẹ vaa dọ ọnị ose anị, dị anọrụ ọsa ẹẹ sị ọ.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

Ijeremaya 14:14

Ama dị Ẹnẹyịmavara tụ ohi ka, ọnịsẹ ẹnẹẹ vi enee cheeche ka maa tụ ẹnị ụtụ. Ọ kà ọnị ẹ́ yị tụ wa ụtụ, ọnị ọ yị rẹ mẹ ọda ọnyọọnyị yị wa. Ẹnẹyịmavara kà ọnị ẹ yị nyị ụvọ tụ ịnị ẹtẹ ẹnẹ ẹ ka ẹnị ee re zị; ịsẹ ẹnẹ ẹ yaa ka vị ịrẹyị kẹnẹ-kẹnẹ ẹnẹ ẹ yaa sị ayị ẹnịnịị rò.

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ijeremaya 32:32

Ọ kà ọnị ee vu wa ẹtẹ agụvị ebira odivi ọnị ezi Anisirẹrị ẹnịrị ezi Anijuda nịnị mẹ ẹnẹ ẹ sị mẹ ayị kụ ọnị. Ẹnẹyịmavara kà ohinọyị ẹnịnị ọnịrị ọdọvịdị ẹnịnị, ohirẹsụ irehi Ohomorihi ẹnịrị ọnịsẹ ẹnịnị, Anijuda nịnị ẹnịrị aza ana ra hi Ijerusarẹmị vị ana mẹ ayị kụ ọnị.

Ijeremaya 38:22

Ijeremaya ka ọnị ô re ka, aa kụ avaba anyẹnẹẹ ana vọ tụ ịnị eehi ohinọyị Ijuda tụ ẹhẹ yị ezida ohinọyị Ịbabịrọnị. Dị anyẹnẹẹ ẹnẹẹ kụkụ aa ka yị ẹwụ ohinọyị ka. Avaba ọta awụ ẹnị ụ sị ayị tụra ẹ̀ reè vene wu, dị ẹ nyị ẹbẹẹba awụ nị. Wa raa ngụ ụdọ booro aanị, ẹnịnị ẹ́ sị zwe.

Ijeremaya 42:1

Ijeremaya ka avaba ẹnị ọdọvịdị isoja, beri Ijohananị ozi Ikareya ọnịrị Azariya ozi Ihosaya, ệ kụ aza irenyi-irenyi ve tu ọnị,

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ịzẹhwanaya 1:13

A vaa dọ wa ogu ẹnẹ ẹ nyị. Ẹnịnị ẹ yị vaa ra ịnị irehi ẹnị ẹ sị ụvọta ẹnịnị da. Ẹnịnị e yi vee re oze mẹ eche hụụnị ụbazị ịvayịnị ẹnịnị, dị ẹ hyakụ vee hú ịnị anị. Irehi ẹnịnị vị ana vaa chaka, dị ẹ para eburu anị hu.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.