Ijeremaya 7:6 - IWE ỌNỊNỊ

⁶ Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 7:6 Iomraidhean Croise

2 Ohinọyị 21:6

Ô si ozi ọnọrụ mẹ̀ ịsọvọ, ana aā rị ịra yị ori, dị ee re ẹtẹ, di aa ha ẹva, di ee pè arịjẹnụ ka ịrẹyị nị.

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ụhịrẹyị 23:10

Asị ụ tụ̀ ịsa ọnị ohiku sị tọ ẹtẹ ẹhwị, dị asị ụ dọ ezi-oku nịnị ẹtẹ.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 2:34

Anya aza anaa rị ụya ọnịrị aza ẹnẹ ẹ̀ yị nyị ịsị ẹ mẹ̀ e si che ku u nịnị ịta. Wẹ yị za wa ka ẹ yaa chaka oze ọyị ngụ ụ nịnị irehi. Waa maanị yị mẹ avaba ẹsẹnị,

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Ijeremaya 26:23

Ẹnịnị ệ sị ọ ve tu ohinọyị Ijehoyakimi, dị ọ ka à wụ ọ dị è ne oku anị tụ ịzị ee ne avaba azaa hi nị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 5:28

Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

Ijeremaya 7:5

Wàa vara ebira awụ nịnị dị ụ hụụnị ịsa ọnị waa mẹ nịnị nị, waa mẹ ịzẹyịza hi ẹngụ nịnị;

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ezikẹẹrị 18:6

Dị ọza ọnọọ ẹ̀ yị ma mẹ ori ọnị Anisirẹrị nịnị aa mẹ, dị ẹ̀ yị ma rẹ rị ịsa ana sị mẹ̀ ịsọvọ ịnị ịrẹba nị. Ọza ọnọọ ẹ̀ yị ma sị ose ọza ẹnẹsa, dị ọnịrị ọnyẹnẹẹ ẹ̀ yị ma rẹ mẹ ụmẹ ọnị ọnẹẹ ee re ịsị ụhwẹ nị.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Ireevi 19:33

À sị ẹnịnị mẹ ẹvaya yị anẹkụra ọsa ana va ra pe wa ịnị ẹtẹ ẹnịnị.

Ireevi 25:17

Ẹnẹyịmavara kà Anisirẹrị nịnị è hí angwa ọnị Ohomorihi, dị à sị ẹnịnị mẹ ẹngụ rị; agụvị ka, ọnị ọ vị Ẹnẹyịmavara Ohomorihi ẹnịnị nị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Iwe Ọhụhị Imosiisi ana aa hị́ Ọyịvatụrọda 11:28

Ama ẹnịnị ẹ̀ẹ mẹ akamawụ, dị ẹ na hẹkẹ ori nịnị ẹnẹ ẹ yị nyị ịsị ẹ mẹ̀ yị wa nị, Ẹnẹyịmavara vaa tụ ozirenu hi wa.

Iwe Ọhụhị Imosiisi ana aa hị́ Ọyịvatụrọda 24:17

Asị ụ zẹ ka a mẹ azọga a vị ezi-oku rị. Asị ụ dọ osoku achị jẹẹ yị erere ọnị ọ dọ wụ.

Iwe Ọhụhị Imosiisi ana aa hị́ Ọyịvatụrọda 27:19

O yi vee ze yị ọza tụra ọza ẹnẹ ẹ yị zẹ ka ọnị ọ sị ịsị vọrọ tụra azọga, ezi-oku ọnịrị esoku yị wa. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 8:19

Wèe ne hi ayị Ẹnẹyịmavara naa dụ ori zị, mee hu wu ụvọ ọyaanị ka we yị vaa rị ọ.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.