Ijeremaya 7:3 - IWE ỌNỊNỊ

³ Ẹ̀ wụ́ ụtụ ọnị Ẹnẹyịmavara Ochẹtẹẹngụ Ohomorihi Anisirẹrị nịnị tụ; ọ ka, vara ebira awụ nịnị dị wa hụụnị ịsa ọnị waa mẹ nịnị aanị, ọnị vaa navọ ka wa ra ịnị ẹtẹ ọnọnị nịnị.

Ijeremaya 7:3 Iomraidhean Croise

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

Ẹzịra 10:11

Dị ọ kà, obobooro ọnọọ ẹ dọ irenu ịvị ẹnịnị yị Ẹnẹyịmavara, Ohomorihi ohiku ẹnịnị, dị ẹ mẹ̀ ịsa ọnị o sì. E yi anẹẹ anikinami ẹnẹẹ tịtẹ, dị asị ẹnịrị anikinami nịnị ana ra kara wa kụkụ mẹ ụ̀na.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 17:25

Ọnọọ vaa mẹ ka ohinọyị nịnị vanaa rị Ijerusarẹmị dị a sị ụkata ohinọyị yị ẹnịrị ezi ẹnịnị anka ohinọyị Idevidi. Ẹnịrị Anijuda nịnị beri Anijerusarẹmị nịnị vaa tụra ụkẹkẹ ịrẹkụ ọnịrị umaata, dị Ijerusarẹmị kụkụ vị ohihi yị aza pooro kẹnẹ.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 18:8

Aza ẹnẹẹ ẹ̀ẹ va hụụnị ịsị odivi ẹnịnị, ọnị rẹ vaa và a hụụnị ịsị ọnị ka ọnị vaa mẹ wa.

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 35:16

Ẹnẹyịmavara kà, ezi Ijonadabị ệ saasa ọda ọnị ohiku ẹnịnị mẹ yị wa ama ẹwụ nịnị ẹ́ yị saasa ịrẹyị anị.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!