Ijeremaya 7:11 - IWE ỌNỊNỊ

¹¹ Ẹnẹyịmavara kà, vị irehi anị ọnọnị waa sị vara aha ọyị tẹ̀ yị anako nịnị nị? Ọnị ee re avaba ịsị waa mẹ nịnị o.

Ijeremaya 7:11 Iomraidhean Croise

2 Ịtọpa 6:33

Wụ́ aduwa ọza ọnọọ, dị ụ wa mẹ̀ ịsa ọnị òo họ̀ use anị yọ agụvị avaba anẹhẹ ẹ yẹ wụ, dị ẹ wụ́ chire wụ anka aza Anisirẹrị. Ẹnịnị vaa yẹ ka ịnị irehi ọnọnị a vọrọ ka aa hẹkẹ wụ nị.

Ayịsaya 1:12

Wàa ka waa vaa hẹkẹ mị nịnị, ẹnị ẹ kà ka wa maanịị du irehi amị ẹngụ nịnị?

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ijeremaya 2:34

Anya aza anaa rị ụya ọnịrị aza ẹnẹ ẹ̀ yị nyị ịsị ẹ mẹ̀ e si che ku u nịnị ịta. Wẹ yị za wa ka ẹ yaa chaka oze ọyị ngụ ụ nịnị irehi. Waa maanị yị mẹ avaba ẹsẹnị,

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 7:10

dị ụ varẹma va jẹẹ ọvịdị anị nịnị ịnị irehi ọnọnị ana a yaa hị́ ịrẹha anị dị ụ ka: Wa sị ha nịnị? Wa sị ha nịnị ka wa naa mẹ̀ ịsa anaa nyị ọnị ịhyẹrẹ aanị waa yọ?

Ezikẹẹrị 35:13

Ọnị ộ wụ oto odivi ọnị wee wo nịnị, dị waa kà ịrẹyị ẹnẹ ẹ̀ yị vọrọọ hi ọnị nịnị.

Ịdanịyẹrị 9:18

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ.

Imatiwu 21:13

Dị ọ kà a yị wa ka, “Â vịdị sị ọọ chẹrẹ ka: ‘A vaa hị́ irehi amị ịzị a yàā mẹ̀ aduwa.’ Ama ẹwụ nịnị ọ kụkụ sị ọọ vara ịzị ịjagụda nịnịị̄ tẹ̀.”

Ịmaakị 11:17

Dị aa zụ̀ wa ịsa nị, dị ọ ka, “Aanịka Iwe Ohomorihi ọ yị vịdị sị ọọ kà ka: ‘A vaa hị́ irehi amị ịzị avaba anẹhẹẹ̄ mẹ̀ aduwa’? Ama ẹwụ nịnị ọ kụkụ sị ọọ vara ịzị anako nịnịị̄ tẹ̀.”

Ịjọọnụ 2:16

Ộ kà a yị aza ana aa ná arekuku ka, “Kụ́ ẹẹmẹ ẹnẹnị hụụ ịzẹnị nịnị! Asị ụ vara irehi Ada amị ohu nịnị!”

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.