Ijeremaya 7:10 - IWE ỌNỊNỊ

¹⁰ dị ụ varẹma va jẹẹ ọvịdị anị nịnị ịnị irehi ọnọnị ana a yaa hị́ ịrẹha anị dị ụ ka: Wa sị ha nịnị? Wa sị ha nịnị ka wa naa mẹ̀ ịsa anaa nyị ọnị ịhyẹrẹ aanị waa yọ?

Ijeremaya 7:10 Iomraidhean Croise

1 Ohinọyị 9:3

Dị Ẹnẹyịmavara kà a yọ dị ọ ka, “Ma raà wụ́ aduwa ọnịrị ịpẹ ọnị ụ dá mị. Irehi ọnọnị ọnị ụ dà ka ma yà ịzọọ pooro aanị, ma raà sị irehi ọnọọ yị ẹngụ amị. Eyi amị vị ana vaa yà ini irehi ọnọọ dị mị rẹ sị ayị tụ́ ịzọọ pooro.

2 Ohinọyị 21:4

Avọọ ô me re hi ụta ori hi ịnị irehi Ẹnẹyịmavara, ịzị ọ ka a vaa ya hẹkẹ ọnị.

2 Ịtọpa 33:4

Dị Ịmanasẹ re hi ụta ana a sịị̄ mẹ̀ ịsọvọ yị ori tụ́ ịnị irehi Ẹnẹyịmavara, ịzị ọ kà aa hẹkẹ ọnị pooro zịna-zịna.

2 Ịtọpa 33:7

Dị Ịmanasẹ sị uyi ori na tụ́ ịnị irehi Ohomorihi ọnị Ohomorihi kà yị Idevidi ọnịrị ozi anị Isoromọnị ka; ịnị irehi anị ana ya Ijerusarẹmị aanị ọ vị aha ọnị ọnị nyị ịnị avaba ẹtẹ ịrẹsụ ẹwụrẹva Anisirẹrị nịnị nị. Ịzọọ ọnị kà aa hẹkẹ ọnị nị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ayịsaya 48:2

Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ijeremaya 32:34

Ẹnẹyịmavara kà, ẹnịnị ệ hyakụ kụ ori ẹnịnị na jẹẹ ịnị irehi ana a dà kà a hẹkẹ ọnị ịnị anị, dị ẹ sị du ọ ẹngụ nị.

Ijeremaya 34:15

Ọ kà, ẹhwị ẹkụhị chee aanị, waa mẹ̀ ebira ene hine ọnị nịnị. Avaba awụ nịnị ộ dọ ka waa hụrẹ ọrịhị awụ nịnị ana vị Anisirẹrị ụvọ, ọvịdị anị ụ vavọọ zẹ ịzẹzẹ ịnị irehi anị nịnị nị.

Ijeremaya 44:9

Ọ kà, vị́ ayị wee hí wu nịnị ịsa odivi ọnị ohiku awụ nịnị mẹ ẹkụra ene hi Ijuda ọnịrị oze ene hi Ijerusarẹmị nị? Vị́ ayị wee hí wu nịnị ịsa edivi ọnị ẹwụrị ohinọyị Ijuda nịnị beri ese wu nịnị mẹ ịzọọ nị.

Ijeremaya 7:11

Ẹnẹyịmavara kà, vị irehi anị ọnọnị waa sị vara aha ọyị tẹ̀ yị anako nịnị nị? Ọnị ee re avaba ịsị waa mẹ nịnị o.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ijeremaya 7:30

Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Ezikẹẹrị 23:29

Ka ẹnịnị ẹnị é yi re sì ịrẹyị ẹwụ nịnị, avaba ịsị ọnị waa mẹ̀ ụkọrọ anịị vẹ nịnị, vị ọnị ẹ́ vaa kụ. Ẹnịnị vaa tụ wụ ahwaahụ chapaa anka ọsẹrẹka avọọ. Ịrẹkọyịsẹ awụ nịnị ọ kụ ọsọnị tu wu nịnị nị

Ezikẹẹrị 23:37

Ẹnịnị ệ sẹ̀ ịrẹka, ẹ́ sị ọza wụ̀, ọza yà ịnị ụvọ ẹnịnị. Ẹnịrị ori ẹnịnị ẹ sẹ̀ ịrẹka nị, dị ẹnịnị sị ezi ẹnẹ ma yị ọnị, dị ẹ sị mẹ̀ ịsọvọ yị wa ka ẹ sị mẹ ịsọyịrị nị.

Ezikẹẹrị 23:39

Ịhị ẹnẹ ẹ na wụ̀ ọnị ezi mẹ̀ ịsọvọ yị ori ẹnịnị gẹdẹ-gẹdẹ, ịhị ọnọọ ọnyọọnya ẹnịnị vẹ ịnị Irehi ahẹkẹ anị dị ẹ́ va mẹ̀ kẹnẹ-kẹnẹ nị. Ịsị ệ mẹ̀ ịnị Irehi anị yị.

Ezikẹẹrị 33:25

Ọ kà ọnị ọ̀ kà a yị wa ka ọnị Ẹnẹyịmavara Ochẹtẹẹngụ ka, waa rị uye nịnị, dị waa sẹ̀ ịrẹka nịnị nị. Sị ẹ mẹ ka wee rò o nịnị ka aa wụ nịnị ẹtẹ ọnọnị vị̀ nị?

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ezikẹẹrị 5:11

Ẹnẹyịmavara Ohomorihi ka, ọnị ọ̀ọ yị yá ịzọọ da, agụvị ka ẹwụ nịnị Anijerusarẹmị ọ́ raa sị ịsị edivi-edivi anaa nyị ọnị ịhyẹrẹ du irehi anị ẹngụ nịnị, ọnị ẹ́ yị vaa vayị awụ nịnị dị ọnị ọ̀ và wụ nịnị nẹtẹ.

Ịdanịyẹrị 9:18

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ.

Ihoseya 6:9

Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị.

Emọsị 4:5

Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara.

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.