Ijeremaya 6:6 - IWE ỌNỊNỊ

⁶ Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ijeremaya 6:6 Iomraidhean Croise

Ayịsaya 37:33

Aanị Ẹnẹyịmavara mẹ̀ kà ịnị ịpa ohinọyị Ásiriya nị: Ọ kà, ẹ́ yị vaa ngụ Ijerusarẹmị E yi vee ne ọpa ikonyaa hi ọ. Ẹ yị nyị isoja ana kụ ogonto rị ụvọ ana vaa kà a gụrị ẹkụra ọnọnị. Ọza ẹ yị vaa kụ́ ezii na hịrẹ ọvọ anị.

Ijeremaya 20:8

Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 32:31

Ọ kà, ẹkụra ọnọnị me hụrẹ nyima, pooro va ngụ ajịnị, aza ene hi ịnị anị hụrẹ aa mẹ ayịị kụ ọnị dị ayị aa dọva nị. Agụvị avọọ ọnị ka ọnị ee vu wa ẹtẹ nị.

Ijeremaya 33:4

Ẹnẹyịmavara Ohomorihi Anisirẹrị nịnị ka, a vaa chaka irehi ene hi Ijerusarẹmị aanị ẹnịrị irehi ohinọyị Ijuda nịnị agụvị ịrẹkụ ana a kụ ve tu wa dị a họ̀ kara wa aanị, aza ẹnyị me vee sì ka ẹnị ẹ̀ gẹ Anibabironi nịnị ịrẹvụ.

Ijeremaya 39:1

Ịnị ụhwẹ ẹẹwụ ịrayị ọhụhịịna ọnị Ịzẹdẹkaya rị ohinọyị Ijuda, Inebukadineza, ohinọyị Ịbabịrọnị ọnịrị isoja anị ệ kụ́ ịrẹkụ va ngụ Ijerusarẹmị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ezikẹẹrị 4:2

Ọ kà ọnị ya Ijerusarẹmị, ísoja mẹ họ̀ kara a. Ọnị mẹ ọvọ kara Ijerusarẹmị, ẹnẹ ẹ̀ yị vaa zẹẹ ka ọza ọnyọọnyị ò zwe. Ọ kà ọnị ọ̀ si zụ ịzị ọnịvị Ijerusarẹmị nịnị jị udi hi. Dị ọnị ọ̀ mẹ ezi ọnị ọnịvị Ijerusarẹmị nịnị gú jẹẹ na hịrẹ ọvọ Ijerusarẹmị ọnịrị ẹnya ịrẹkụ ẹnẹ ẹ sị ne ịrẹta ẹbanyị-ẹbanyị ọnị ẹ́ kụ jẹẹ.

Ezikẹẹrị 5:5

Ẹnẹyịmavara Ana nyị avaba ụkata ka, ré Ijerusarẹmị nịnị. Ọnị ọ̀ mẹ ka ọ̀ yà ịnị akakana avaba ẹhẹ, dị ẹkụra-ẹkụra ana vọ ẹ̀ ra kara a nị.

Ịdanịyẹrị 11:15

Ohinọyị Isiriya ọnịrị isoja anị vaa họ̀ kara ẹkụra ọnọọ ana jị ọvọ kara okiri-okiri. Isoja Anijipiti nịnị ẹ yị va zụ jẹẹ kụ ịrẹkụ ịnị ụmẹ ọnọọ. Ẹnị ana hyakụ yara kụ ịrẹkụ hu, ẹ yị vaa nyị ụkata ọ yị kụ ịrẹkụ bẹẹ.

Ịzẹhwanaya 3:1

Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.

Iruuku 19:43

Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.