Ijeremaya 6:2 - IWE ỌNỊNỊ

² Ẹnẹyịmavara kà ẹkụra oo zoza ẹtẹẹtẹrẹ ama vị ọnị vee vu ọ ẹtẹ nị.

Ijeremaya 6:2 Iomraidhean Croise

Ayịsaya 1:8

Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Arụwẹ 2:1

Ẹnẹyịmavara ộ kụ ayị dị ọ mẹ̀ ụhị nyị Anịzayọnị nịnị nị. Ọ sị wa tura hụrị ọgọọgọ va nyẹtẹ, ụbanyị ẹnịnị ọ ta. Ịjị Ananyị yị aa kụ ayịị hi wa, irehi Ohomorihi Anị nyẹmba vị ọnị o hi ayị anị.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Arụwẹ 4:5

Aza anaā vịdịị rị ịsa ene zoza hu kere-kere, ụngwẹ kụkụ aa wụ̀ va hi oze ẹkụra aanị nị. Aza ana ahịka ẹẹ̀ ịdịị rị vọ ku, ẹ kụkụ aa tọ̀ọ́ ịsa hụụnị itutu rị aanị nị.

Iwe Ọhụhị Imosiisi ana aa hị́ Ọyịvatụrọda 28:56

Ọnẹẹ ana nyị ebira hẹẹ, dị ọọ̄ ngụ ayị ọzaa hu ịnị ẹngụ awụ nịnị, ne tu ka ẹ yị hyakụ nyayịnẹ sị ahụ hí ihine, ẹ yị hyakụ vaa dọ ka ọnị ọ da ịsọyịrị yị ọva anị. Ẹ yị hyakụ va dà ịsaa yị ozi ọnọrụ anị ọnịrị ozi ọnẹẹ anị.