Ijeremaya 6:1 - IWE ỌNỊNỊ

¹ Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 6:1 Iomraidhean Croise

2 Ịsamụwẹrị 14:2

Di Ijowabi va tụ́ nọ ịzị aā hị́ Itekowa dị ọ na sị ọnẹẹ ọnya aanị ana yẹ ịrẹyị hụụ ịzọọ vẹ nị. Ọ́ mẹ̀ na sị ọ dị ọ kà a yọ ka ọ̀ và ịta kú ẹngụ, dị ọ̀ mẹ anka ọza oni oku sú dị aa jị òrèrè avọọ. Ọ kà asị ọ da ịsa sisi ẹngụ, dị ọ̀ sị mẹ̀ ẹ ka o si kú ọnị ọ hụrẹ aa jị òrèrè oku ene sú ọ.

2 Ịtọpa 11:6

Ẹkụra ọnị ọ jị ọvọ kara ẹ vị, Ịbẹtịrẹhẹmị, Etami, Itekowa,

Inehemaya 3:14

Imarikija ozi Irikabi ana vị ohinọyị ẹtẹ Ịbẹtị-Ihakeremi e tenyi oze ọbanyị itutu, dị ẹ kụ ukere oze chẹrẹ e ọnịrị ẹza neberi ọchị ojoze nị.

Inehemaya 3:5

Dị ezi Itekowa tụra ọvọ gụrị Ịzadọkị nị. Ama ọdọvịdị ẹnịnị ẹ yị bẹ ụvọ tụ ịnị ụkọrọ ene tu wa.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 4:29

Ịjị ẹ̀ẹ wụ̀ isoja nịnị ịrẹka kẹnẹ, avaba aza ene hi ịnị ẹkụra vaa kụ echi. Aza ẹnyị vee zwe naa tẹ̀ ịnị iruku, dị ẹnyị aa hịrẹ ataba. Avaba ẹkụra vaa tụ osusu, dị ẹ yị kụkụ nyị ọza ịnị anị.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ịzakaraya 6:6

Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ.

Ijosuwa 15:63

Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.

Ọdọvịdị 1:21

Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.