Ijeremaya 5:9 - IWE ỌNỊNỊ

⁹ Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ijeremaya 5:9 Iomraidhean Croise

Ụhịrẹyị 6:29

Avọọ ọza ana dụ ose ọzaa zị mẹ vee re nị. Ọ yị zụ mẹ̀ ẹ dị ọọ sị rị.

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ayịsaya 57:6

Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị?

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 32:31

Ọ kà, ẹkụra ọnọnị me hụrẹ nyima, pooro va ngụ ajịnị, aza ene hi ịnị anị hụrẹ aa mẹ ayịị kụ ọnị dị ayị aa dọva nị. Agụvị avọọ ọnị ka ọnị ee vu wa ẹtẹ nị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Ijeremaya 6:6

Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ijeremaya 9:8

Ịrẹyị irenu ẹnịnị vị ana sị mẹẹ anka ọpa anaā wụ̀ ọza. Ẹngwọọrọ-ẹngwọọrọ ọzọza e sii pe ọnọhụva anị kà ịrẹyị nị, ama ịrẹyị odivi vị ẹnẹ sị tụ ịnị ịnẹ ee be e.

Ijeremaya 9:9

Ọ kà, aanị ka ẹ yị vọrọ ka ọnị ọ hụvị ẹsẹnị sị ụya rị wa? Aanị ka ẹ yị vọrọ ka ọnị ọ̀ họ̀ oponu ịrẹyị ẹngụ anị ịrẹsụ ẹngụ anẹkụra ẹnẹnị?

Arụwẹ 3:42

Ya sị ịvị mẹ̀, ya raa kụ̀ hịrẹ ẹwụ Ẹnẹyịmavara, wee yi ka wẹ yị vagu yị.

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ezikẹẹrị 7:9

Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ireevi 18:25

Ịsị ẹnẹnị ẹnẹ yaa mẹ e sị du ẹtẹ ẹnịnị ẹngụ ana mẹ ka ọnị Ẹnẹyịmavara ọ̀ sị ụya rị ọ agụvị ebira odivi ọ nị aza ana ra hi ịzọọ aa mẹ nị. Dị ẹtẹ ẹnịnị dụ aza ana ra ịnị anị hi ẹhẹ anka ọza mẹẹ hẹ̀rẹ ịsọyịrị avọọ nị.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.