Ijeremaya 5:8 - IWE ỌNỊNỊ

⁸ Ẹnịnị vị ana sị mẹẹ anka umaata araka ana a sị pa ẹtẹẹrẹ avọọ; ẹngụ ẹnịnị ẹ ma dọ. Ọzọza vị enee sì ose ọnọhụva kaara-kaara.

Ijeremaya 5:8 Iomraidhean Croise

Oyinyima 39:9

Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Ijoovu 31:9

A vị ka ọnị ọ mẹ eyọhụrẹ ka ose ọza na,

Ọyịkụra 20:14

Wẹ yị nyayịnẹ sẹ̀ ịrẹka.

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Ụhịrẹyị 6:29

Avọọ ọza ana dụ ose ọzaa zị mẹ vee re nị. Ọ yị zụ mẹ̀ ẹ dị ọọ sị rị.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ezikẹẹrị 22:11

Aza ẹnyị awụ nịnị aa sẹ̀ ịrẹka, dị aza ẹnyị aa sị́ ose ozi ẹnịnị nị.

Iwe Ọhụhị Imosiisi ana aa hị́ Ọyịvatụrọda 5:18

Wẹ yị nyayịnẹ sè ịrẹka.

Iwe Ọhụhị Imosiisi ana aa hị́ Ọyịvatụrọda 5:21

Asị ụ mẹ eyọhụrẹ dị waa dọ ose ọza nyị. Asị ụ mẹ eyọhụrẹ hi irehi ọza, aa vị aarẹ ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru, àa vị ịkẹrịkẹtẹ. Asị ụ mẹ eyọhụrẹ hi ịsa tụra ịsa ọnị ọza ọ̀ọ nyị.