Ijeremaya 5:6 - IWE ỌNỊNỊ

⁶ Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 5:6 Iomraidhean Croise

2 Ịtọpa 36:14

Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ.

Ẹzịra 10:10

Ẹzịra ana vị ohirẹsụ irehi Ohomorihi ộ kwẹẹtẹ, dị ọ kà ịrẹyị yị wa nị. Ọ kà ẹnịnị ẹ raà sị ahụ jị ọda Ohomorihi. Anẹẹ anikinami ẹnẹ ẹ nyị vị ana ka Anisirẹrị nịnị ngụ ịvị huni avọọ.

Ẹzịra 9:6

dị mị mẹ̀ aduwa, dị mị ka, Ẹwụ Ohomorihi amị ụhị aa nyị mị. Mẹ yị nyayịnẹ va eyi ka wụ o. Ebira odivi ayị ộ ta dẹngụ. Ọ va sị ngụ ẹbẹẹba bẹẹ.

Ijoovu 10:16

Àa nyị ịsị mị mẹ ana ka ọnị ọ sị tụ ẹba, dị Ẹnẹyịmavara e be mị ka ọnị ọ pịva yị mị anka idu avọọ.

Ahẹ Ụgama 104:20

Ẹwa mẹ ịrahụ, dị avaba uye nịnị aa jịnẹẹ hi ẹhẹ ẹtẹ òo si hozi nị.

Ahẹ Ụgama 80:13

Uye ịnị avị irenyi-irenyi vị ana kụkụ aa rị ọ kẹnẹ.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Ijeremaya 30:14

Avaba aza ẹnẹ ẹwụrịị vịdị sì ịrẹyị ẹngụ nịnị e ree hi ayị awụ nịnị, ẹnịnị ẹ́ yị kụkụ tamayị awụ nịnị. Ọ kà, vị ọnị kwẹẹtẹ tu u nịnị anka ọnịvị ọza avọọ, dị ọnị sị ụya rị ụ nịnị ẹtẹẹtẹrẹ nị, agụvị ka ebira odivi awụ nịnị ọ sị rụrụ. Ayịchama awụ nịnị ọ sị dẹngụ.

Ijeremaya 30:15

Ẹnẹyịmavara kà, sị ẹ vẹ di we nowu zị nịnị agụvị ụnava awụ nịnị ọnị ọza ẹ̀ yị zụ mẹ? Ọ kà, agụvị ebira odivi ọrụrụ-ọrụrụ awụ nịnị ọnịrị ayịchama awụ nịnị ọnị maanị sị mẹ ụ nịnị nị.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 49:19

Ẹnẹyịmavara kà, ọnị vaa vẹ anka idu ana tụ hụụnị iruku aa vẹ, dị ọ́ và tụra oze Ijodani aa vaa ngụ ịzị avị Anedomi nịnị hụrị ẹkụra ẹnịnị. Ịjọnọọ, dị ọza ọnị ọnị nyị ka ọ̀ vị ọdọvịdị kụkụ aa mẹ ohinọyị tụra ẹkụra ọnọọ. Ọ kà, ẹnẹ vana wụra juwe anị da? Ẹnẹ vana zụ hị́ ọnị ịrẹvụ kẹ? Ye re ohinọyị ana zụ hị́ ọnị ịrẹkụ da?

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Arụwẹ 1:5

Ẹnẹyịmavara ộ sị ụya rị Anijuda nịnị agụvị ebira odivi ẹnịnị, dị ọnịvị ẹnịnị nyị ẹbẹẹba ẹnịnị dị ẹyaa mẹ ọda tụra wa ịrẹsụ nị. A kụ ezi ẹnịnị za ọrịhị ne hi ụnọngụ-ụnọngụ.

Ezikẹẹrị 16:25

Wa raa kụ uzoza awụ nịnị sisi ẹtẹ. Waa sị ẹngụ awụ nịnị yị ọza anaa para hu kẹnẹ, dị waa dà ụvọ tụ ịnị ụvọ eyinị-eyinị ịnị ịrẹkọyịsẹ nị.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 23:19

Ama vị Ohoriba yị dụ ụvọ tụ ịnị ụvọ ịnị ịrẹkọyịsẹ hu avọọ nị. Ịrẹka ọyịsẹ anaa sẹ̀ ọ́ mẹ hụrẹ vị ozweyi ịnị ẹtẹ Ijipiti aa yịị sẹ̀ nị.

Ịdanịyẹrị 7:4

Uye ịpaapa vị ana sị mẹẹ anka idu avọọ. Ama dị ọ nyị avaka ọkasịmẹ nị. Ịdanịyẹrị ka ọnị mẹ vavọọ e re e, dị a vana na avaka anị kwooze nị. Dị a sị uye ọnọnị vọrọ jẹẹ anka ọza avọọ nị. Dị a rẹ mẹ ka ọ̀ nyị ayị ọza nị.

Ịdanịyẹrị 7:6

Ịrẹma ọnọọ, ọnị mee yii re ẹtẹ, di oni vene re ka uye ọsa ọ va jẹẹ nị. Uye ọnọnị vana sị mẹẹ anka ọdụmị avọọ. Ama dị ọ nyị avaka ẹẹna anka avaka inomi avọọ tụ ịrẹma nị. Uye ọnọnị ộ nyị ịrẹsụ ẹẹna, dị a sị ụkata yọ ka ọ̀ọ mẹ ịjọva nị.

Ihoseya 5:14

Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Ihabaku 1:8

Umaata ịrẹkụ ẹnịnị ẹ rẹ hụụnị ẹzụ, dị ọkụrẹkụ ana tụra wa nyẹngụrẹyị hụụnị ẹzụ ene zi ube ịrahụ. Ẹnịnị vị anaa hụrẹ aha ẹnẹẹnẹ vee pe ọnịvị ẹnịnị kụ́ ịrẹkụ. Ẹ rẹ anka ọkasịmẹ ọnị ụngwẹ aa kụ̀ ana vẹ ẹtẹ vee che ịsa avọọ nị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ịrịka 32:14

Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.