Ijeremaya 5:3 - IWE ỌNỊNỊ

³ Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 5:3 Iomraidhean Croise

Oyinyima 19:34

Eyinẹhẹ anị, dị ana vị ọzọkụ rẹ kà a yị ana vị ozweyi dị ọ ka: ọ̀ọ yẹ ka ọnịrị ada anị ọ sụ ẹẹrị nị. Ọ̀ vẹ dị ẹnị ẹ̀ rẹ kà a eche ịrahụ ajịnị, dị ọnịrị ọ ọ̀ rẹ sụ, dị ẹnị ẹ zụ nyị ọza ana vaa dọ ẹnị ịrẹsụ.

1 Ohinọyị 13:33

Ịrẹma ana avaba ịsa ẹnẹnị sị mẹ, Ijerobowami ọ yị vị và hụ vị ịrẹma ini ebira odivi ana aa mẹ. Aa kịị kụ́ aza oni òo re kẹnẹ hụụnị aza ẹnẹẹ, dị ọ kụ wa mẹ ohirẹsụ irehi Ohomorihi. Dị ọ kụ́ wa hi aha ọnẹba ịda ori anị nị.

2 Ohinọyị 1:13

Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 51:8

Wâ vịdị raà tana ụvọ za mị, navọ kwogwo wa rẹ vana navọ ka ma zụ jẹ ịrajẹ dị ịnẹ amị ò ree hine.

Ahẹ Ụgama 55:20

Ọza ana vịdị vị ọta amị vị ana kụkụ kwẹẹtẹ tù ọta anị ọ yị kụkụ jẹẹ pè ịrẹyị ẹnị ẹ vịdị kà tịtẹ.

Ụhịrẹyị 21:29

Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka.

Ụhịrẹyị 22:12

Ẹnẹyịmavara vị eneē sere ọza anaa mẹ ịzẹyịza ama enevene nịnị vị ọnị ọọ̄ mẹ̀ ụhị nyị.

Ụhịrẹyị 23:35

Ohweche kà, â nya mị ịsa ọ yị zị mị. Ê tú mị, mẹ yị hyakụ yẹ. Ịjị maa ha, di me ne hú eche ọsa kẹ.

Ụhịrẹyị 27:22

Ọza ọ daka tụ́ ọnụra anka a meē tu ayị ọnịrị ụra anị aa yịị zị nị.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ayịsaya 48:4

Ộ yẹ ka ẹnịnị vaa mẹ ịrẹsụ ọkatẹngụ, ayị ẹnịnị ọ vị, dị ọ katẹngụ hu ịrẹta nị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 15:7

Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị.

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijeremaya 35:13

Ọnị Ẹnẹyịmavara Ochẹtẹẹngụ, Ohomorihi Anisirẹrị ka, ọnị Ijeremaya ọ̀ na kà a yị avaba Anijuda ọnịrị Ijerusarẹmị ka sị ẹ vẹ dị ẹnịnị ẹ̀ yị wụ́ ịrẹyị anị? Sị ẹ vẹ dị ẹnịnị ẹ̀ yị saasa ịrẹyị anị kẹ?

Ijeremaya 44:10

Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ezikẹẹrị 2:4

Ayị ẹnịnị ọọ katẹngụ, ẹnịnị ẹ́ yị sị ụbanyị yị ọnị, ọnị aa tụ ọnị Ezikẹẹrịị hi wa, dị ọnị ọ̀ na kà a yị wa ịsị ọnị Ẹnẹyịmavara Ochẹtẹngụ aa kà a yị wa.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

Ireevi 26:23

Ọnị ọ̀ọ maanị ị raa sị avaba ụya ọnọnị rị wa dị ẹnịnị ẹ̀ẹ yị wụ́ ịrẹyị anị, ama dị ẹyaa yịị mẹ̀ ịsa ọnị ọnị è yi sì nị,

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Emọsị 4:6

Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ.

Emọsị 4:8

enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na.

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Ịzẹhwanaya 3:7

Ẹnẹyịmavara kà ọnị ô ro kà ịrẹyị ene tù wa aanị vaa zụ wa ịrẹyọyẹ, dị ẹ nyị angwahi anị, dị ẹ wụ́ ịrẹyị ọnị ọnị ọ ka yị wa. Ama dị ahịka ẹnịnị aa da ụvọ tụ ịnị ụvọ ịnị ebira odivi huna avọọ nị.

Aniroomi 2:2

Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?